Medin Haliti: Bisedime me kushte e pa kushte

Medin Haliti: Bisedime me kushte e pa kushte

Në kohën kur Kosova ka hyrë në bisedime pa kushte me palën serbe, dukej sikur  ishin të barabartë në aspektin ”ligjor” dhe teknik. Kosova dhe Serbia, aq me tepër pala serbe e cila vazhdimisht e paraqet veten  viktimë, ka mjaftuar për serbët dhe mund të shikohet si një fitore dhe bile një fitore shumë e madhe, sepse hyn ne bisedime me një shtet, të cilit i kanë shkaktuar vrasje, përdhunime shkatërrime të pronës e shumë të liga tjera, të cilat tashmë të gjithë i kemi të ditura.

Politika e Beogradit me listën serbe që e ka angazhuar së fundi në Kosovë duke anashkaluar serbët lojalë të Kosovës karshi shtetësisë së saj, ka bërë që për veç privilegjeve qe marrin si deputetë në vendet e rezervuara, pa drejtësisht, në Kuvend  t’i thonë po vetëm bankomatit, për t’i tërheqë rrogat dhe kanë vetëm një vulë si dokument te Kosovës, ajo është vula e kontratës së punës.

Me sjellje të tilla të çoroditura edhe vajtuese gati sa nuk e mendojnë qarqet botërore se Serbia ka qene viktimë ne Kosovë dhe kjo shënohet si fitorja e radhës nga ana serbe. Asociacioni i komunave serbe po i bën serbët që të pranojnë  pak kushtetutshmëri të Republikës së  Kosovës deri sa të kalojë në kuvend, pastaj nuk ka ligj as për zhbërjen e saj nëse pala shqiptare e kërkon andaj edhe nëse kalon fatkeqësisht, këta do të ndihen edhe me komod bile edhe agresorë. Të shpresojmë që të mos kaloj kurrë ky asociacion i komunave me shumicë serbe ne kuvendin e Kosovës.

Se fundi, muri na doli si një gjë shumë e madhe prandaj që të zbuten gjakrat e popullit të Kosovës tash kanë filluar ta shkurtojnë, në 80 cm. Ky mashtrim nuk do koment dhe se tregon qartë se është turp i madh dhe të thuhet se kemi qeveri. kemi institucione, kemi president, dhe kjo dita ditës po legalizohet sepse ç’do gjë tash nuk zgjatë më shumë se 10 ditë sa do i madh të jetë problemi. Shpresojmë se nuk do të ndodhë ndonjë risi në Kosovë apo spektakël qeveritarë nga ana e Ministrisë së Punëve të Brendshme në bashkëpunim me shik-un dhe argatë e devotshëm të LDK-së sikur ndodhi me arrestimin e aktivisteve te vetëvendosjes, ku Astrit Dehari humbi jetën në shtëpinë e institucionit qeveritar në burg, pastaj arrestimi i hoxhallarëve gjoja për lidhje të tyre me ISIS-in. Kjo bëhet  vetëm e vetëm sa të largohet vëmendja e opinionit nga problemet madhore si dështimet në bisedime me serbin, papunësia, korrupsioni, nepotizmi, padrejtësitë tjera, mos funksionalizimi i gjykatave, mos prekja e bosëve të mëdhenj të krimit,  rezultatet ne PISA etj.

Edhe me miratimin e  buxhetit për vitin 2017,buxhet prapë 730 milion euro janë paraparë të shpenzohen për asfalt gjë që edhe vetë, kryeministri.  Isa Mustafa nuk kisha besuar që e përkrahe në këtë mënyrë sepse shëndetësia, arsimi, papunësia, kultura sporti dhe shume gjëra të tjera kanë mbetur prapa, në radhë të parë për shkak te buxhetit të pa mjaftueshëm në këto sektorë. Kjo  do ti bie në kokë së pari Kryeministrit dhe pastaj  kabinetit qeveritar dhe në fund pa tjetër do të reflektojë edhe në elektoratin e LDK-s edhe ashtu siç është si në mjegull.

Shpresoj ta kuptojnë sa më parë këtë gjendje të rëndë, sepse është koha e fundit. Për ndryshe nëse vazhdon kështu në pranverë të 2017 pa tjetër do të ketë trazira sociale.

Kontrolloni gjithashtu

Familja Meha

Mehmet Bislimi: Maji i Tahirit dhe i Nebihut

Atëbotë, me13 maji, ishte dita e milicisë së ish pushtuesit Jugosllav, Tahir e Nebih Meha, …