Mehmet Bislimi: Bacë Osmani

03/11/2026 Kultura

Tema të tjera...

Sot është 2 nëntori …
a thua do të trokas dikush
në derën e vjetër prej druri
aty pranë tek dera
tek oborri
tek trualli

po
ka dhe s’ka mundësi
tani në breg të diellit
bëhet fushatë
hahet mish i pjekur
dikush edhe e ha
bukën thatë
dikush pi raki
dikush bënë tregti
dikush lypës
dikush zotëri
dikush servil
dikush hafi

në breg të diellit
ku dielli ngrohtësinë fali
ranë
bijtë e kësaj toke
ranë
Afrim e Fahri djali

… mos qoftë e thënë
të kenë harruar ata këtë ditë
ata
që dikur bukën e ngrohtë
nga duar e nënë Qamilës
kanë ngrënë!
ata që me bacë Osmanin dikur
netët kanë zbardhë
jo
edhe nëse është kështu
nuk dua të besoj
jo
nuk dua që sonte gjumin
me ndrojtje ta bëj
sonte jam me ty bacë Osmani
atje tek shelgu në oborr
ulu e ndeze një cigare
dhe
me hijen time fol
se dheu për të gjallë na treti
kaq të shkapërderdhur
prapë
ky 2 nëntor
na gjeti
mos qajë për ata që ranë
qajë për ne
që jemi e nuk jemi gjallë!

(nëntor, 2017)
Mehmet Bislimi

Albert Z. Zholi: Anita Bitri, kënga që s’e harron as deti

Në Sarandë, në janar, kur dimri kish ftohtësi, Më tetë lindi Anita, një rreze dashurie,Me sy që mbanin ëndrra, me buzë që veç këndonin,Dhe dallgët e së ardhmes në shpirt ia pëshpëritnin. Vajzë e vogël, plot gjallëri, me shpirtin fluturak,Recitonte vargje të bukura, këndonte pa u ndalë,Në botën e fëmijërisë, si lule çelte çdo ditë, Dhe zëri i saj i ëmbël premtonte ardhmëri e dritë. Vlorën e deshi shumë, me detin u miqësua,Në bregun e kaltër, sa herë që ajo shkoi, i flisnin butë, era këngë i dhuronte, Dhe zemra e Anitës me nota përgjigjej, këndonte. O det i kaltër, i pafund, më jep një melodi, Të bëhem zë i ëndrrave, të fal veç dashuri! Dhe dallga ia kthente me shkumë e me fllad, ditë do të të njohë larg, çdo qytet e çdo fshat. Me violinën në duar, me shpirtin përmbi re, Ajo ndiqte ëndrrën e bukur, që zemra ia rrëfeu,Vaçe Zelën si yll e mbante në kujtim, Dhe skenën e ëndërronte si tempull të frymëzimit. Kur mbushi gjashtëmbëdhjetë, këngës iu përkushtua, …