Mehmet Bislimi

Mehmet Bislimi: Çka kanë bërë deri sot banorët e Prekazit për atin e tyre, Prekën!?

Pyetje kjo, që mund të shtrohet pa ndrojtje – përgjigjen e së cilës nuk mund ta japim pa ndrojtje!…
Prekazi dhe bijtë e Prekës, kanë bërë pak, apo aspak (nëse guxojmë të themi kështu),  për atin e tyre Prekën!? Nëse dikur kemi mundur të “arsyetohemi”, sepse ishim të pushtuar nga një regjim gjakatar, që nuk lejonte të silleshim rreth autoktonisë sonë kombëtare, sot, pse heshtin Prekaz-asit!?, përderisa atë regjim e kemi ndjekur së bashku, padyshim edhe me kontributin e padiskutueshëm të bijve çlirimtarë të Prekës!…
Madje, as tani nuk mund ta sqarojmë bindshëm, me që kjo nuk do ndonjë investim të madhe material, i cili do të ishte i papërballueshëm. Mendoj se do më shumë investim moral dhe përkushtim serioz për atin e tyre/tonë, Prekën.
Me të drejtë, shtrohet pyetja e domosdoshme: çka është dashur të bëjnë Prekaz-asit, për atin e tyre Prekën që njëzetë e sa vite!? Varret e Prekës dhe Lenës, ndodhë ne vendin e quajtur “Atava”, në arën e Vesel Hajzerit, që prej shumë shekujsh.

  1. Të zhvarrosën eshtrat e Prekës dhe zonjës së tij- ëmës së Prekazit, Lenës!
  2. Të konstatohet tek Institucioni përkatës lashtësia e eshtrave të tyre!
  3. Të ngrihet një pllakë guri tek varri i tij me shënimet adekuate!
  4. Të emërtohet zyrtarisht rruga, që nga kthesa në Ternavc, drejt Prekazit, deri tek shkolla e Prekazit të Epërm, duke vazhduar deri tek fabrika e Municionit në hyrje të Skenderajt, me emrin e atit të tyre, Rruga: “Prekë Kuçi!”. Kjo rrugë ka një gjatësi rreth tetë kilometra.
  5. Të emërtohet zyrtarisht, ambulanca e fshatit në Prekaz të Epërm me emrin:

“Prek Kuçi!”, ku edhe do vihej pllaka me emrin e tij.

  1. Të emërtohet zyrtarisht edhe në Galicë, një rrugë me emrin. “Prekë Kuçi!”.
  2. Të emërtohet zyrtarisht edhe në Abri, një shkollë apo rrugë me emrin: “Prekë Kuçi!”
  3. Të emërtohet zyrtarisht një rrugë a shkollë në Ternavc me emrin: “Prekë Kuçi!”
  4. Të emërtohet zyrtarisht  në Skenderaj (në drejtim të Prekazit), një Shesh me emrin: “Prekë Kuçi!”
  5. Njëjtë do duhej të veprohej edhe në Lutoglavë të Pejës, ku do të emërtohej një rrugë, apo shkollë me emrin e atit të tyre: “Lutë Kuçi!”, që ishte i vëllai i Rafael dhe Prekë Kuçit!…

Me konkretizim të kësaj vepre, në një farë mase, do bëhet një shpagim shpirtëror e moral para  gjithë atyre brezave dhe asaj kohe të humbur kot, që për Prekën, nuk u ndërmor asgjë, kohë kjo e cila nuk kthehet më!
Mendoj se kjo nuk do ndonjë investim të veçantë, mendoj se kjo është e arritshme, madje vet Prekaz- asit, me vetiniciativë, pa dyshim edhe me mbështetje të mërgimtarëve- bijve të Prekës, do ta mbulonin këtë kosto me mjetet e tyre vetanake e cila nuk ka një kosto të papërballueshme.

  • Gjëra që duhet të behën në nivel fshati dhe Komune:
  • Para së gjithash, duhet një debat gjithëpërfshirës, me bijtë e Prekës- Prekazit.

a). Duhet formuar një Këshill nismëtarë shumë të përkushtuar për të filluar nga puna.

b). Ky Këshill, duhet të formohet në prani dhe me miratimin e fshatit!
c). Ky Këshill, duhet të ketë mbikëqyrje të veçantë dhe të vazhdueshme!
ç). Duhet të mblidhen nënshkrimeve e shumicës së përfaqësuesve të fshatit, për të dëshmuar përcaktimi dhe vullnetin e tyre të lirë dhe demokratik!
d). Ky Këshill, këto dokumente dhe kërkesa, duhet parashtruar para organeve kompetente të Komunës së Skenderajt!
dh). Pasi të jetësohen ligjërisht të gjitha këto, ky eveniment historik, duhet të shënohet me një manifestim rastit, madje për çdo vit në fshatin Prekaz, si dita e “Prekë Kuçi- Prekazit!”.
ë). Mendoj se me këtë, para së gjithash do bënim një shpagim moral para vetes sonë si Prekaz-as, mbi të gjitha është përgjegjësi qytetare. Kjo neglizhencë shekullore në këtë drejtim, është e paarsyeshme, është papërgjegjësi dhe e pashpjegueshme, para së gjithash për vet Prekaz-asit- bijve të Prekës!.

CH-30-05-23020
Mehmet Bislimi

Kontrolloni gjithashtu

Deklaratat e fundit të përfaqësuesve qeveritarë se “nuk mjafton një vit për ndryshimet kushtetuese” janë dëshmi e mungesës së vullnetit politik dhe e dështimit të kësaj qeverie për ta çuar vendin drejt integrimit europian dhe për të respektuar vetë Marrëveshjen e Ohrit. Prej ditës së parë të mandatit, përveç bllokimit të perspektivës evropiane, kjo qeveri dhe partnerët e saj kanë sulmuar themelet e barazisë dhe të Marrëveshjes së Ohrit: • kanë shfuqizuar balancuesin, duke cenuar përfaqësimin e drejtë të shqiptarëve dhe komuniteteve tjera; • kanë zhvlerësuar Marrëveshjen e Ohrit duke ia dorëzuar implementimin figurave me bindje antishqiptare dhe antiperëndimore, si Ivan Stoillkoviç; • kanë fshirë diasporën nga përfaqësimi politik dhe kanë zvogëluar shqiptarët në përllogaritjet zyrtare; • nuk respektojnë përdorimin zyrtar të gjuhës shqipe dhe kanë zhvlerësuar Inspektoratin e gjuhëve dhe Agjencinë e gjuhëve. Sot, përveç dështimit me ndryshimet kushtetuese, kjo qeveri hap fronte të reja kundër mekanizmave të barazisë si shumica e Badenterit, një nga shtyllat më të forta kushtetuese që garanton stabilitetin ndëretnik, barazinë reale në vend dhe mbron nga majorizimi. Çdo tentativë për ta relativizuar ose rishikuar Badenterin është tentativë për ta kthyer shtetin pas në përjashtim dhe diskriminim. Jemi dëshmitarë se gjithnjë e më shumë po zënë vend ide të rrezikshme, që përfaqësojnë ata që besojnë se shtetet multietnike nuk funksionojnë dhe se duhet ndërtuar shtete etnike. Kjo qasje manifestohet në dy drejtime: përmes goditjeve të Marrëveshjes së Ohrit, që rrënojnë barazinë e brendshme, dhe përmes bllokimit të rrugës europiane, që e izolon vendin dhe e kthen mbrapa. Bashkimi Demokratik për Integrim mbetet forca politike që ka mbrojtur dhe do të mbrojë Marrëveshjen e Ohrit, kursin euroatlantik të vendit dhe dinjitetin e qytetarëve. Shqiptarët nuk do të lejojnë kthimin e shtetit në padrejtësi dhe përjashtim. Tetori është afër dhe populli do të flasë fuqishëm. Ora e përgjegjësisë politike dhe juridike po afron. Marrëveshja e Ohrit nuk cenohet, barazia nuk negociohet.

BDI: Jo vetëm sistemi bankar, por edhe insulina i jepet në duar botës serbe

Pas Alta Bankës dhe hyrjes së kapitalit serb në telekomunikacion, sot zbulojmë një tjetër çështje …