Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Malit të Zi, Milo Gjukanoviq, është cituar të ketë deklaruar se grupi i liderëve partiakë të bashkuar rreth “Frontit të koalicionit”, me sasi të madhe të parave të marra nga Rusia përmes kanaleve sekrete, po përpiqen të ndikojnë në rezultatet nga zgjedhjet e ardhshme parlamentare në Mal të Zi. “Ekzistojnë njerëz të cilët janë të gatshëm për një shumë të vogël parash të luajnë me interesat kombëtare, që është e papërgjegjshme, jopatriotike dhe jodinjitoze”, deklaroi kryeministri malazias. Ai theksoi se gjeneratat e paraardhësve të popullit malazez edhe pse kanë jetuar në varfëri, nuk i kanë shitur interesat shtetërore, transmeton Tanjug. “Edhe tani, është gjetur një grup i liderëve partiakë të mbledhur rreth Frontit të koalicionit, i cili siç duket me shumë të madhe parash të dorëzuara nga Rusia përmes kanaleve të fshehura, tenton të ndikojë në rezultatet nga zgjedhjet. Do të thotë se i sakrifikon interesat kombëtare, i shet interesat kombëtare të Malit të Zi për Rusinë, në matjen e tij të fuqisë me perëndimin, për ta treguar rëndësinë e tij”, vlerësoi Gjukanoviq.
