Ministri Berisha priti në takim ambasadoren holandeze, Willems

Ministri Berisha priti në takim ambasadoren holandeze, Willems

Ministri i Forcës së Sigurisë së Kosovës, Rrustem Berisha, priti sot në takim ambasadoren fuqiplote të Mbretërisë së Holandës në Prishtinë, zn. Gerrie Willems. Në takimin e përbashkët të ministrit Berisha dhe diplomates holandeze Willems, e cila shoqërohej edhe nga atasheu i Mbrojtjes nënkolonel Theo Pljner, u bisedua për marrëdhëniet e mira ndërmjet dy shteteve, Kosovës dhe Holandës, si dhe marrëdhëniet e shkëlqyera ndërmjet Ministrisë së FSK-së dhe Ministrisë së Mbrojtjes të Holandës. Ministri Rrustem Berisha e falënderoi  ambasadoren e Mbretërisë së Holandës për mbështetjen e vazhdueshme që shteti i Holandës ka dhënë për Kosovën, në veçanti e falënderoi për donacionin e sotëm në pajisje për mirëmbajtjen e automjeteve, si dhe për marrëdhëniet dypalëshe shumë të mira të Ministrisë së FSK-së dhe Ministrisë së Mbrojtjes së Holandës.

Gjithashtu, ministri Berisha e njoftoi diplomaten holandeze edhe mbi të arriturat e FSK-së, kapacitetet, integrimin e gjinisë femërore dhe të komuniteteve në FSK, procesin e tranzicionit  dhe planifikimet për të ardhmen. Ai tha se për procesin e tranzicionit të FSK-së  në vazhdimësi kemi qenë transparent, i kemi informuar të gjithë faktorët relevantë ndërkombëtarë për hapat gjatë këtij procesi’’. Nga ana e saj, ambasadorja e Mbretërisë së Holandës në Prishtinë, zonja Gerri Willams, pasi e përgëzoi ministrin Berisha për sukseset e konfirmoi edhe gatishmërinë e Holandës për mbështetjen e vazhdueshme të FSK-së dhe Kosovës në përgjithësi.

Kontrolloni gjithashtu

Albin Kurti: Vetëvendosja ka garuar në zgjedhjet e fundit me platformën për punësim dhe drejtësi, jo për rritje pagash

Kryeministri, Albin Kurti, ka thënë sot para deputetëve, në Kuvend,   se pakoja për përballje me …