MINISTRI BYTYQI DHE SHEFJA E BE-SË NË KOSOVË BISEDUAN ME NXËNËS PËR DUKURINË E KORRUPSIONIT

Tema të tjera...

Kryetari Latifi kujton 27 Prillin – Ditën e të Zhdukurve me dhunë në Kosovë

28/04/2024

Kryetari Latifi vizitoj familjen atdhetare Krasniqi nga Hoqa e Vogël

27/04/2024

Po vazhdojnë punimet në objektin e ri të KRM “Pastërtia” në Ferizaj

27/04/2024

Është finalizuar ndërtimi i sallës së re sportive në Fshatin e Vjetër të komunës së Ferizajt

27/04/2024

Me temë “Bëjeni mësimin e nxënësve real dhe efektiv”, u mbajt trajnim për mësimdhënësit vitias

27/04/2024

Shpallet Gjendje Emergjente për grumbullimin dhe bartjen e mbeturinave në territorin e Komunës së Ferizajt

26/04/2024

Ministri i Arsimit, Shkencës dhe Teknologjisë, Shyqiri Bytyqi dhe shefja e Zyrës së BE-së në Kosovë, Nataliya Apostolova, kanë diskutuar me nxënësit e shkollave të mesme në temën: “Avokimi i ndryshimit kulturor: Roli i gjeneratave të reja për formësimin e vlerave të së nesërmes”, me theks dukurinë e korrupsionit si një e keqe që i kanoset të ardhmes së vendit. Në këtë diskutim kanë marrë pjesë edhe ambasadorja e Holandës në Kosovë, Gerrie Willems, përfaqësuesi i Ambasadës Italiane në Kosovë, Matteo Corradini dhe drejtori i Agjencisë Kundër Korrupcionit, Shaip Havolli, të cilët gjithashtu kanë theksuar rëndësinë e luftimit të korrupsionit. Ministri Bytyqi, me këtë rast theksoi se, institucionet shtetërore, veçanërisht të rinjtë, luftimin e korrupsionit duhet ta kenë përditshmëri, ndërsa tha se dihen dëmet që i shkakton kjo dukuri një vendi, të rinjve dhe qytetarëve në përgjithësi, sepse është pengesë serioze e zhvillimit. Ministri theksoi se, fillimisht duhet ta pranojmë se kjo dukuri ekziston në vendin tonë dhe pastaj ta gjejmë mënyrën se si ta luftojmë. Megjithatë, ai tha se parandalimi i korrupsionit është shumë më i lehtë se luftimi i tij. “Nëse flasim në nivelin e lartë, nuk mund të flasim për parandalim, por për luftim, ndërsa kur flasim me juve të rinjtë, flasim për parandalim, që është edhe faza më e lehtë”, tha ministri Bytyqi, ndërsa iu tha të rinjve se këtë mund ta bëjnë duke u edukuar dhe duke i kuptuar dëmet që shktakton kjo dukuri negative. Ministri theksoi se, nëse ne këtë e bëjmë kulturë të përditshme, duke edukuar veten dhe pjesëtarët tjerë të familjes, jemi në fillim të mbarë për parandalimin e  korrupsionit dhe për të kërkuar edhe luftimin e atyre që tashmë janë korruptuar. “Të rinjtë duhet ta kuptojnë se është vlerë të jesh i ndershëm, është vlerë që çdo gjë që e bën ta fitosh me dije dhe djersë, e jo me forma të tjera korruptive”, tha në fund ministri Bytyqi. Ndërsa, shefja e Zyrës së BE-së në Kosovë, Nataliya Apostolova tha se rinia e sotme, janë udhëheqësit e së nesërmes. “Të gjithë ju mund të jeni forca kryesore që lufton korrupsionin, krimin e organizuar dhe gjitha këto të këqija ndikojnë negativisht në të ardhmen e Kosovës”. Ky aktivitet u organizua në kuadër të “Javës kundër korrupsionit 2018 “, që po realizohet përmes “Projektit kundër krimit ekonomik “, të Këshillit të Evropës.