Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri FSK-së, Haki Demolli u takua me ministrin e Mbrojtjes së Estonisë, Hannes Hanso në Halifaks të Kanadasë, ku po qëndron për vizitë zyrtare, me ftesë të posaçme nga Ministri i Mbrojtjes së Kanadasë dhe Forumi prestigjioz i Halifaxit. Ministri Demolli theksoi nevojën për thellimin e bashkëpunimit në mes të MFSK-së dhe Ministrisë së Mbrojtjes së Estonisë, si dhe i shprehu gatishmërinë për inicimin e nënshkrimit të Memorandumit të Bashkëpunimit ndërmjet dy ministrive dhe dyja vendeve në fushën e sigurisë.
Gjithashtu, Ministri Demolli, e ftoj nikoqirin për vizitë në Kosovë, për të parë nga afër progreset e FSK-së, gjë që u mirëprit nga ministri estonez i Mbrojtjes, Hannes Hanso, i cili shprehu interesimin e tij për zhvillimin e FSK si dhe për zhvillimet e përgjithshme në Kosovë dhe rajon duke shprehur gatishmerinë e tij edhe për intensifikimin e marrëdhënieve meMFSK- në në të ardhmen e afert. Në Forumin Ndërkombëtarë të Sigurisë në Halifaks të Kanadasë pos nikoqirit, ministrit Sajjan, ishin të pranishëm nën-Sekretarët e Përgjithshëm të OKB-së për Misionet Paqeruajtëse respektivisht për mbështetje në teren z. Herve Ladsous dhe z.Atul Khare, ministrat e mbrojtjes ose zëvendësit e tyre nga SHBA, Mbretëria e Bashkuar, Gjermania, Polonia dhe shtete tjera anëtare të NATO-së, ndërsa nga vendet e rajonit të pranishëm ishin Ministrat e rajonit nga Bosnja dhe Hercegovina, Maqedonia dhe Kroacia.
