Ministri Hasani merr konfirmimin nga një biznesmen shqiptar në Turqi për investime milionëshe në Kosovë

Tema të tjera...

Kryetari Latifi e ka pritur në takim z. Shaip Himaj nga fshati Gexhë

15/04/2024

Kryetari Latifi mbajti mbledhjen e radhës me drejtorë të drejtorive

15/04/2024

Fshati Skifteraj i komunës së Vitisë përkujton përvjetorin e ofensivës serbe

15/04/2024

Komuna e Vitisë ka filluar me vizitat sistematike të nxënësve nëpër të gjitha  shkollat e saj

15/04/2024

Pensionohen mësimdhënësit vitias, Ramize Murati dhe Bajrush Demiri

15/04/2024

U përurua ndërtesa e shkollës së parë shqipe e restauruar nga MKRS në komunën e Ferizajt

15/04/2024

Ministri i Tregtisë dhe Industrisë, Bajram Hasani, gjatë qëndrimit të tij në qytetin e Bursas të Turqisë është pritur nga sipërmarrësi Shahap Aktash, pronar i fabrikës “Aktash”. Fabrika e Shahap Aktashit ka qarkullim miliarda euro brenda vitit dhe prodhon pjesë për më shumë se 100 shtete, në mesin e tyre prodhon pjesë edhe për fabrikat e njohura Mercedesi, Volvo, Ford, BMW etj. Ministri Hasani, i shoqëruar edhe nga ambasadori i Kosovës në Ankara, Avni Spahiu, ka vizituar fabrikën e tij ku ka parë nga afër prodhimin e pjesëve nga goma dhe plastika. Aktash, që ka prejardhje nga Kosova, ka shprehur dëshirën që të vijë të investojë në Kosovë bashkë me disa sipërmarrës të tjerë nga qyteti i Bursës. Ministri Hasani e ka informuar Aktashin për jetësimin e Ligjit për Investime Strategjike, që investitorëve të huaj iu ofron shumë mundësi të mira për të investuar në Kosovë. “Ligji për Investime Strategjike iu ofron tokën për ndërtimin e fabrikës me zero kosto, zero doganë për futjen e makinerisë në Kosovë dhe përveç këtyre Kosova tashmë ka ndërtuar një infrastrukturë rrugore dhe ligjore që investitorët e huaj t’i kenë kushtet jashtëzakonisht të përshtatshme”, ka thënë Hasani. Ndërsa, Aktash ka thënë se brenda pak muajve do ta vizitojë Kosovën dhe do të dakordohet për ta nisur një investim dhjetëra milionësh që do të punësojë qindra punëtorë. Aktash, që është njëri nga sipërmarrësit më të mëdhenj në qytetin e Bursas, ka prejardhjen nga Kosova, përkatësisht nga Gjilanit. Ai ka thënë se projekti i tij në Kosovë do të jetë dhjetëra milionë euro  dhe synon tregun e Ballkanit: Kosovë, Maqedoni, Serbi, Shqipëri, Mal të Zi. Aktash ka fabrika në shumë shtete të botës, e që shpejt do ta ndërtojë edhe një në Kosovë. Po ashtu, Aktash ka fabrika edhe në Amerikë, Gjermani, Bullgari, Kinë, Brazil dhe në Turqi. Prodhimet e tij eksportohen në më shume se 100 shtete të botës, që punëson qindra punëtorë dhe ka traditën që nga viti 1938. Aktash së shpejti do të jetë pjesë edhe e tregut të Kosovës.