Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes i Turqisë, Hulusi Akar, është citur të ketë deklaruar se formimi i aleancave jashtë NATO-s do t’i dëmtojë raportet dypalëshe mes vendeve dhe vetë këtë organizatë. Dihet se Greqia dhe Franca në shtator nënshkruan një marrëveshje për bashkëpunim në fushën e mbrojtjes dhe strategjisë ushtarake, ku përfshihet blerja e tri luftanijeve franceze nga Greqia për rreth tre miliardë euro. Kryeministri i Greqisë, Qiriakos Micotakis, tha këtë muaj se marrëveshja do t’u lejojë vendit të tij e Francës që t’i dalin në ndihmë njëri-tjetrit në rast të një kërcënimi të jashtëm, shkruan Reuters. Duke marrë parasysh që ne jemi brenda NATO-s, të gjithë duhet ta dinë se kërkimi i aleancave të ndryshme jashtë kësaj organizate do t’i dëmtojë edhe NATO-n, edhe raportet tona dypalëshe dhe do ta lëkundë besimin”, tha ministri turk para gazetarëve pas një takimi të ministrave të shteteve të NATO-s këtë javë në Bruksel, sipas njoftimit të Ministrisë së Mbrojtjes në Turqi.
