MIT KS
Fillimi / Institucionet / Ministri Lekaj thotë se për projektet infrastrukturore për Komunën e Skenderajt këtë vit do të shpenzohen afro 1.7 milion euro

Ministri Lekaj thotë se për projektet infrastrukturore për Komunën e Skenderajt këtë vit do të shpenzohen afro 1.7 milion euro

Ministri i Infrastrukturës, Pal Lekaj, ka prezantuar projektet infrastrukturore të planifikuara për Komunën e Skenderajt. Lekaj përmes një shkrimi në llogarinë e vet në Facebook, ka thënë se për vitin 2019 për këtë komunë do të shpenzohen 1.66 milion euro.

Shkrimi i plotë i ministrit të Infrastrukturës dhe Transportit, Pal Lekaj.

Javën po e fillojmë më shpalosjen e projekteve infrastrukturore të planifikuara për Skenderajn. Një buxhet prej 1 milion e 660 mijë euro, në 2019-ën do të shpenzohet në këto projekte: Ndërtimi i rrugës Açarevë – Siqievë dhe Açarevë – Plluzhinë.

Ndërtimi i rrugës Kotorr – Qubrel.

Ndërtimi i rrugës Syreigan – Pemishtë.

Ndërtimi i rrugës në Polac.

Ndërtimi i rrugës Kuqicë- Tërnavc

Ndërtimi i rrugës Skenderaj – Vushtrri (fshati Krasmirovc).

Vazhdimi i rrugës 17 shkurti dhe rregullimi i rrugës Rezallë e Re – Rezallë e Vjetër. Me qëllim të përfundimit të këtyre projekteve, për vitin e ardhshëm Ministria e Infrastrukturës dhe Transportit, ka planifikuar 1 milion e 720 mijë euro. Vazhdojmë punën në secilën komunë, që t’u ofrojmë qytetarëve rrugë cilësore, ka shkruar Lekaj në llogarinë e tij në Facebook.

Kontrolloni gjithashtu

Drejtori i Përgjithshëm i AME-së Fadil KODRA, u prit nga Kryetari i Komunës se Prizrenit

Ne vazhdën e koordinimit e te mbështetjes dhe lehtësimit, ndërlidhur edhe me situatën e krijuar ...