Ministri Yagcilar takoi diplomatët e rinj nga Turqia

07/06/2016 Institucionet

Një delegacion i diplomatëve të rinj nga Turqia, në kuadër të turneut të tyre nëpër vendet e Ballkanit, vizitoi Ministrinë e Administratës Publike, ku u prit nga ministri i Ministrisë së Administratës Publike Mahir Yagcilar, me bashkëpunëtorë.

Në këtë takim, diplomatëve të rinj turq ministri Yagcilar iu foli për rregullimin shtetëror të Republikës së Kosovës, për kushtetutën e vendit tonë, por edhe për marrëdhëniet e mira,  që ekzistojnë ndërmjet institucioneve të Republikës së Kosovës dhe asaj të Turqisë, qoftë në sferën politike, ekonomike e kulturore. Ministri Yagcilar, diplomatëve iu foli edhe për fushe veprimtarinë e MAP-it, por edhe për reformat që janë duke u bërë në fushën e administratës publike dhe gjendjen socio-ekonomike.

Diplomatët e rinj turq, pasi u shprehen mirënjohës për pritjen u interesuan për  mënyrën e funksionimit të administratës, për përfaqësimin e komunitetit turk në institucione dhe për raportet ndërmjet përkatësive nacionale që jetojnë në Kosovë. Një vëmendje nga diplomatët e rinj turq iu kushtua edhe rrugës së Kosovës që shpie drejt integrimeve në Bashkimin Evropian.

Kontrolloni gjithashtu

Me 28 shtator në Viti, homazhe në nderim të heronjëve Gursel dhe Bajram Sylejmani

Komuna e Vitisë nën patronatin e kryetarit Sokol Haliti dhe bashkëpunim me Shoqatat e dalura …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara