Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me qëllim të parandalimit të korrupsionit në këtë ministri dhe në Forcën e Sigurisë së Kosovës, Ministria e Forcës dhe Sigurisë së Kosovës lansoi planin e integritetit për periudhën kohore 2016 – 2018. Me këtë rast, ministri i FSK-së, Haki Demolli tha se ministria që drejton është e përkushtuar për arritjen e standardeve të NATO-së dhe se ky plan i lansuar sot do të zbatohet në përpikëri. Ai shtoi më tutje se autoriteti jonë do të mbizotërojë derisa kemi politika dhe objektiva të qarta kundër korrupsionit në institucionin tonë. Që nga ky moment Ministria e FSK-së kanë në dispozicion planin e integritetit që duhet të zbatohet në përpikëri. Ndërkohë, ambasadori i Norvegjisë në Kosovë, Jan Braathu, theksoi se ky plan është i rëndësishëm në ngritjen e transparencës dhe luftimin e korrupsionit, pasi, sipas tij, integriteti në qeverisje ka rëndësi të veçantë dhe se korrupsioni është akt jo patriotik.
