Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria për Arsim dhe Kulturë në Offenbach të Gjermanisë e ka aprovuar kërkesën për hapjen e shkollës shqipe. Lajmin e ka bërë të ditur veprimtari Shaip Ademaj përmes një postimi në rrjetin social. “Sapo morëm një lajm të mirë për hapjen e shkollës shqipe, në këtë ditë historike për të gjithë komunitetin shqiptar në Offenbach dhe rrethinë. Ditë më parë në një takim pune me konsullatën e përgjithshme të Republikës së Kosovës në Frankfurt, znj. Fatmire Musliu, ku qëllimi i takimit ishte mundësia për hapjen e shkollës Shqipe në Offenbach. Sot, morëm një lajm shumë të mirë nga Ministria për Arsim dhe Kulturë në Offenbach, të cilin po e ndajmë me ju, sepse është miratuar kërkesa jonë. Urime të gjithë bashkatdhetarëve tanë! Faleminderit shumë znj. Fatmire Musliu për kontributin e dhënë, falënderime për udhëheqësit dhe anëtarët e shoqatës “Bashkimi Kombëtar” në Offenbach, e në veçanti për kontributin e dhënë z. Naim Podvorica, z. Bujar Dërguti, z. Naim Gashi etj”, ka shkruar Shaip Ademaj.
