MIT
kek
mbpzhr 2018
Airport Adem Jashari
Fillimi / Institucionet / MKRS-ja dha çmimet vjetore për muzikë

MKRS-ja dha çmimet vjetore për muzikë

Në një ceremoni të organizuar në ministrinë e Kulturës, Rinisë dhe Sportit, ku ishte i pranishëm ministri Kujtim Shala, juria dhe laureatët e çmimeve, u dhanë çmimet vjetore në fushën e muzikës.

Ministri Kujtim Shala me këtë rast u shpreh se këto çmime janë një nxitje për zhvillimin e mëtutjeshëm të jetës artistike e muzikore në vend.

Në bazë të vlerësimit të jurisë profesionale në përbërje të akademik Zeqirja Ballata, kryetar i jurisë, Valton Beqiri, kompozitor dhe Baki Jashari, kompozitor e dirigjent, profesoresha e muzikës Sevime Gjinali dhe Seniha Spahiu, janë laureatë të Çmimit Kombëtar për Veprimtari Jetësore “Niketë Dardani” për vitin 2015.

Vlera financiare e këtij çmimi është 5 mijë euro, ndërsa sivjet, me vendim të jurisë, çmimi është ndarë për dy laureatë, që kanë marrë nga 2, 500 euro.

“Çmimet Vjetore për kategorinë e veprave stilistike dhe duo” iu dha kompozitores Dafina Zeqiri- Nushi për veprën “Fantazia e Fuga”. Vlera e këtij çmimi është 1,000 euro.

“Çmimi vjetor për kategorinë e veprave kamertale” ju dha kompozitorit Mendi Mengjiqi për veprën“Suitë shqiptare”. Vlera e këtij çmimi është 3,000 euro.

“Çmimi vjetor për kategorinë e veprave orkestrale-simfonike dhe koncertale iu dha kompozitorit Kreshnik Aliçkaj për veprën “Koncert për violinë e piano e orkestër”. Vlera e këtij çmimi është 4,000 euro.

“Çmimi vjetor për kategorinë e veprave vokalo-instrumentale” iu dha kompozitorit Drinor Zymberi  për veprën “Cantata Metamorphosis”. Vlera e këtij çmimi është 5, 000 euro.

Vlerësimet në emër të jurisë i lexoi akademiku Zeqirja Ballata.

Kontrolloni gjithashtu

Është asfaltuar një tjetër rrugë që lidh fshatrat Busi e Marec

Në një postim të tij, nënkryetari i komunës së Prishtinës Selim Pacolli ka shkruar: Është ...