Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Monika Kryemadhi u është përgjigjur akuzave të Ilir Metës se e ka mbushur Partinë e Lirisë me tradhtarë, lidhje nepotike dhe interesaxhinj. Përmes një postimi në Facebook, Kryemadhi thotë se akuzat e hedhura nga bashkëshorti i saj janë boshe dhe shërbimi më i mirë që mund t’i bëhet Edi Ramës. Shfokusimi nga inceneratorët që unë kam kallëzuar me përgjegjësinë e firmës time dhe protagonizmi bosh janë sot shërbimi më i mirë që mund t’i bësh Edi Ramës, Erion Veliajt dhe bandës së tyre”, shkruan Kryemadhi. Sipas Kryemadhit, aksioni opozitar po devijohet në çështje periferike. Filmat e vjetër me të njëjtin përfundim janë pa interes për shumicën e shqiptarëve, vijoi ajo. Ilir Meta njoftoi këtë të mërkurë reformimin e partisë, ku përjashtoi Monika Kryemadhin dhe një pjesë të bashkëpunëtorëve të saj më të ngushtë. Shumë kanë dyshime se ky është një teatër i inskenuar, ndërkohë që të tjerë vendosin në pikëpyetje shëndetin mendor të ish-Presidentit.
