Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këngëtarët ndër më të njohurit kudo ndër shqiptarë, Mrika Trumshi dhe Arif Vladi kanë reaguar kundër anashkalimit të këngëve të lirisë manifestimet për 10-vjetorin e Pavarësisë së Kosovës
Mrika Trumshi: S`ka ma memorie, ajo iku , por iku kaq shpejt! Asnjë koncert homazh për viktimat e luftës, asnjë nderim akoma pa u tha mirë gjaku i Kosovës. Sinqerisht e pabesueshme!. Unë prisja Çun Lajçin, prisja Arif Vladin, prisja Ilir Shaqirin e Leonora Jakupin, prisja kushtrimin e atyre këngëve që ndezën sheshet e qyteteve të Evropës, prisja një përjetim të fitores shekullore, që nuk na e fali askush, nuk na e dhuroi askush, por ishte triumfi i gjakut, i gjakut të martireve të Kosovës. Prisja që ky koncert të ishte i pari, pastaj të bënin çfarë të donin: Kot të flasësh, asgjë nuk mund te besoj më….
Arif Vladi: Kujt i pengonte të këndohej Kënga për Adem Jasharin dhe Marshin i UÇK-së në 10-vjetorin e Pavarësisë së Kosovës për veç Vuçiqit dhe të tillëve si ai?
Të shtojmë se në 10-vjetorin jubilar të Pavarësisë së Kosovës, ishte ftuar për një koncert në Prishtinë, anglezja Rita Ora, e cila thuhet se ka origjinë shqiptare, edhe pse nuk di asnjë fjalë shqip. Krerët e shtetit kishin marrë qëndrim që kjo këngëtare ekstravagante e veshur herë lakuriq e herë gjysmëlakuriq ta kënaqte publikun e Prishtinës, duke i anashkaluar këngët për lirinë e Kosovës, për Adem Jasharin dhe heronjtë e kombit. Kujdesi, përkushtimi i sëmurë e delirant që u tregua për këtë këngëtare tregon më së miri servilizmin shqiptar të një pjese jo të vogël të popullatës dhe të pjesë të madhe të politikanëve tanë. (RKL)
