Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Klestor Veseli, djali i ish-kryetarit të Kuvendit të Kosovës dhe ish-pjesëtarit të Ushtrisë Çlirimtare të Kosovës, Kadri Veseli, ka folur pas protestës së mbajtur në Prishtinë në mbështetje të ish-krerëve të UÇK-së, duke thënë se familjet e tyre nuk e kanë humbur besimin te bota perëndimore dhe te drejtësia e saj.
Veseli ka deklaruar se qëndrimi i familjeve dhe mbështetësve të ish-krerëve të UÇK-së nuk është kundër Perëndimit apo drejtësisë perëndimore, por lidhet me kërkesën për korrigjimin e asaj që ai e konsideron një gabim të ndikuar nga politika.
“Nuk e kemi humbur besimin te bota perëndimore, te drejtësia e tyre. Ne vetëm po kërkojmë korrigjim të një gabimi që ka qenë i zhytur në politikë”, ka thënë Klestor Veseli.
Deklarata e tij u bë pas protestës së zhvilluar në Prishtinë, ku qytetarë të shumtë shprehën mbështetjen për Hashim Thaçin, Kadri Veselin, Rexhep Selimin dhe Jakup Krasniqin pas aktgjykimit të Dhomave të Specializuara të Kosovës.
