Fillimi / Lajmet / Natën e 10 e 11 tetorit 1951 UDB-ja ka likuiduar, Hasan Remnikun, Mustafë Kokën, Qibrie Misin Alidemën e Agush Mehmetin
Hasan Remniku

Natën e 10 e 11 tetorit 1951 UDB-ja ka likuiduar, Hasan Remnikun, Mustafë Kokën, Qibrie Misin Alidemën e Agush Mehmetin

70 vjet më parë,  natën e 10 e 11  tetorit të vitit 1951 kanë rënë në pritë të UDB-së dhe janë likuiduar, luftëtarët e fundit të NDSH-së në Kosovë: Hasan Remniku, Mustafë Koka me bashkëshorten e tij  Rabijen, e cila ishte shtatzënë, si dhe Agush Mehmeti me bashkëshorten, Qibrie Misin Alidema.

Trupat e tyre të vdekur i kishin ekspozuar në Gjilan “te Lama e Miellit” ku i mbajtën  disa ditë me qëllim që të frikësoheshin qytetarët dhe ata të cilët eventualisht do të guxonin të përsëritnin veprimet luftarake antijugosllave të këtij grupi. 

Mustafë Koka dhe Hasan Alia nga Remniku, kanë qenë luftëtarë të përkushtuar të lirisë  kundër ripushtimit jugosllav të pas Luftës së Dytë Botërore. UDB-ja me kohë kishte futur disa  agjentë në mesin e grupit dhe ata gjatë rrugëtimit për të shkuar në Shqipëri i drejtuan në vendin e caktuar ku kishte zënë pritë Milicia e UDB-së dhe ku i kishte likuiduar të pestit, Qibrie Misin Aleidema ishte shtatzënë.  Agjentët ishin paraqitur si njerëz të cilët gjoja do të ndihmonin Mustafë Kokën dhe Hasan Remnikun për të kaluar kufirin dhe për të hyrë në Shqipëri. Rrugëtimi për të kaluar kufirin besohet se ka filluar me 6 tetor 1951 për ta përfunduar në mes të natës së 10 e 11  tetorit në pritën te kalimi i lumit Bistricë, mbi Prizren. ( Kalendari Kombëtar, RKL-TV-Dielli).

Kontrolloni gjithashtu

Dy deputetët e Vetëvendosjes, Fitore Pacolli e Haki Abazi kundërshtohen në mbledhjen e Komisioni për Punë të Jashtme

Dy deputetët e Vetëvendosjes, Fitore Pacolli e Haki Abazi kundërshtohen në mbledhjen e Komisioni për Punë të Jashtme

Në takimin e sotëm të Komisionit për Punë të Jashtme, deputeti i PDK-së, Xhavit Haliti ...