MIT
kek
Airport Adem Jashari
tv dielli
Fillimi / Lajmet / U nda nga jeta, Nexhmije Hoxha, gruaja e ish-prijësit komunist të Shqipërisë, Enver Hoxha
Ndahet nga jeta në moshën 99 vjeçare Nexhmije Hoxha, gruaja e ish-liderit shqiptar Enver Hoxha

U nda nga jeta, Nexhmije Hoxha, gruaja e ish-prijësit komunist të Shqipërisë, Enver Hoxha

Sot u nda nga jeta, Nexhmije Hoxha, gruaja e ish-prijësit komunist të Shqipërisë,  Enver Hoxha, e cila gjurmën e fundit e la përmes një libri që ka dalë nga shtypi  vetëm pak ditë më parë. Nexhmije Hoxha, është shuar nga jeta në moshën 99 vjeçe. Ajo u martua me Enver Hoxhën në janar të vitit 1945. Ata sollën në jetë tre fëmijë.

Nexhmije Hoxha ka qenë ish-drejtoreshë e Institutit të Studimeve Marksiste-Leniniste pranë Komitetit Qendror të Partisë së Punës Shqipërisë, presidente e Bashkimit të Grave Antifashiste të Shqipërisë, përfaqësuese e popullit në Kuvendin Popullor, drejtore e Drejtorisë së Propagandës, Arsimit e Kulturës në KQ të Partisë së Punës.

Nga viti 1966 e në vazhdim ishte drejtoreshë e Institutit të Studimeve Marksiste-Leniniste pranë Komitetit Qendror  të PPSH-së. Në vitin 1988 u zgjodh kryetare e Frontit Demokratik të Shqipërisë. Nexhmije Hoxha është vlerësuar me 13 dekorata, si dhe Urdhrin “Hero i Punës Socialiste”. Në janar të vitit 1992 u arrestua me akuzën e abuzimit të fondeve dhe u dënua me 9 vjet burg, të cilat u bënë 11 kur ajo apeloi në gradën e dytë të gjykimit. Ishte dënuar dhe ishte  mbajtur në burg si shenj hakmarrjeje për shkak të veprimtarisë së saj në kohën e regjimit komunist të Shqipërisë.

Në njoftimin e familjes Hoxha, me rastin e vdekjes së Nexhmije Hoxhës, thuhet se me hidhërim të thellë ju bej me dije, se sot më datë 26 shkurt 2020, në moshen 99-vjeçare u nda nga jeta nëna jonë, Nexhmije Hoxha. Ajo gjithë jetën e saj ia kushtoi lirisë së Atdheut dhe ndertimit të Shqiperisë së re, perparimit dhe emancipimit të shoqërisë shqiptare, ndaj dhe ne do të ndjehemi perhere krenarë për emrin dhe veprën e saj. Kujtimi i saj gjithmonë do të mbetet i paharruar për familjen tonë dhe të gjithë miqtë dhe dashamirësit e saj, në Shqiperi dhe kudo në botë.

Familja Hoxha ka njoftuar se sot më 27 shkurt,  do të mbahen homazhet dhe do të bëhet percjellja për në varrezat e Sharrës. nga Funeral Home Alba 2000, prane Medresesë, në Tiranë nga ora 9 deri  në orën 12.00.

Një ditë pas varrimit, familja Hoxha pret miq e dashamirë për ngushëllime në shtëpinë e saj,  në Laprakë, pranë Sheshit Shqiponja, në Tiranë.

Kontrolloni gjithashtu

Nuredin Ibishi: Është momenti i fundit që institucionet të vihen në lëvizje dhe të operojnë në veri të Kosovës

Nuredin Ibishi: Është momenti i fundit që institucionet e vendit të vihen në lëvizje dhe të operojnë në veri të Kosovës

Shpallja e gjendjes së jashtëzakonshme në komunat veriore të vendit dhe futja në karantinë, duke ...