leoni

Agron Rrahmani

Në 18-vjetorin e rënies përkujtohet dëshmori i kombit, Agron Rrahmani

Në 18-vjetorin e  rënies  së dëshmorit të kombit, Agron Rrahmani, sot në orën 12.00 në Ballofc të Besianës  do të përkujtohet  nga familjarët, bashkëveprimtarët, përfaqësuesit e shoqatave të dala nga lufta e UÇK-së, përfaqësues të partive politike dhe qytetarë të tjerë nga Llapi dhe vise të tjera të Kosovës . Agron Rrahmani  18 vite më parë  u vra nga forcat serbe në një bazë në Prishtinë, në lagjen e Muhaxhirëve, më 12 maj të vitit 1998. Në nderim të jetës dhe veprës heroike të dëshmorit të kombit, Agron Rrahmani, në këtë përvjetor do të mbahen homazhe tek vendi i rënies në Prishtinë dhe te varri i dëshmorit në vendlindjen e tij në Ballofc të Besianës, si dhe do të evokohen kujtime për jetën dhe veprën e lavdishme të  tij. Agroni ishte pjesëtarë i gueriles së UÇK-së që vepronte në Llap, Prishtinë e gjetiu. Duke i vlerësuar aftësitë e tij organizative dhe interesimin e tij në fushën ushtarake, Agroni u emërua komandant i njësitit gueril, “Rexhep Mala”, njësitit të parë në kryeqytet, të formuar nga Lëvizja Kombëtare për Çlirimin e Kosovës.

Përveç kësaj, ai u ngarkua me detyrë që ta realizojë edhe qendrën stërvitore dhe t`i përgatitë liridashësit për t’u përballur me sukses nëpër betejat që i prisnin. Nga kjo qendër e stërvitjes hynë e dolën qindra luftëtarë, të cilët më pas ata u dalluan nëpër beteja në luftën tonë çlirimtare. Kjo qendër pas rënies heroike të tij, do të merr emrin “Agron Rrahmani”, në shenjë respekti dhe mirënjohjeje për kontributin e madh që dha komandanti.  Ai u vra në dyluftim me forcat e okupatorit serb të cilët kishte kohë që i kishin rënë në gjurmë veprimtarisë atdhetare të tij dhe e përcillnin në çdo hap. Edhe pse Agroni ishte i vetëdijshëm për këtë për asnjë çast nuk e ndali veprimtarinë e tij atdhetare deri në ditën e rënies heroike të tij. Po ashtu pak ditë më parë bashkëveprimtari i tij Bahri Fazliu ra heroikisht në tre kufirin Kosovë-Shqipëri-Mali i Zi. Agroni me shokë, me jetën e tyre na hapën rrugën për të ecur më lehtë tani ne drejt bashkimit kombëtar. Andaj ne duhet të korrim dhe mbledhim djersën e veprës së tyre, në mënyrë që ta nderojmë me punën tonë gjakun e dëshmorëve.(M.K.)

Kontrolloni gjithashtu

Lajçak

Miroslav Lajçak: Gjashtë vendet e Ballkanit Perëndimor janë në procese të ndryshme të pranimit në BE

Emisari i BE-së për dialogun Kosovë-Serbi, Miroslav Lajçak, ka marrë pjesë aktive në Konferencën e …