Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, vazhdon gjykimi kundër krerëve të UÇK-së: Hashim Thaçi, Kadri Veseli, Jakup Krasniqi e Rexhep Selimi. Më 17 nëntor, Trupi Gjykues i kësaj gjykate kishte urdhëruar kufizimin e përkohshëm të komunikimeve dhe vizitave të Hashim Thaçit, Kadri Veselit, dhe Rexhep Selimit. Vendimi i përkohshëm u mor në vijim të kërkesës së Prokurorisë për modifikim të kushteve të paraburgimit. Vendimi përkohësisht u ndaloi vizitat tre të akuzuarve nga persona të paprivilegjuar dhe përcaktoi, që çdo kërkesë për komunikim me persona të tillë, gjatë kësaj periudhe duhet të autorizohet paraprakisht nga Administratorja. Kufizimet janë të përkohshme derisa Trupi Gjykues të lëshojë vendim të plotë lidhur me pretendimet e kërkesës së Prokurorisë. Në të njëjtën çështje gjyqësore, Trupi Gjykues, më 27 nëntor miratoi kërkesën e prokurorit, lidhur me Kontaktimin e dëshmitarëve pas dëshmisë, e cila lidhet me kontaktet mes një palë dhe dëshmitarit të thirrur nga pala tjetër, pasi dëshmitari ka përfunduar dëshminë ose pasi deklaratat e dhëna më parë prej tyre janë pranuar si prova.
