Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në raportin, të cilin e ka mbajtur Enver hoxha në Plenumin e Beratit kishte bërë një kritikë të rreptë kundër të gjithë atyre komunistëve e partizanëve që vrisnin kundërshtarët e regjimit, madje edhe fshatarë të thjeshtë pse kishin strehuar ballistë apo antikomunistë. Enver Hoxha në librin “Titistët” ka shkruar:
“Në Lumë po vihen në plumb kot së koti dhe në mënyrë histerike 20 katundarë, të cilët dorëzohen dhe shokët tanë i pushkatojnë. Po vriten në Tiranë me duzina njerëz e oficerë të dorës së dytë, të cilët, duke pasur besim të plotë në drejtësinë tonë…dorëzohen. Një punë e tillë s’është okazionale, por është i tërë toni që i është dhënë punës organizative të Partisë, ushtrisë. Jo vetëm te ushtari i thjeshtë, por edhe te anëtari i Partisë, ka humbur zemra e vërtetë e komunistit, e atij njeriu që i dhimbset jeta e tjetrit, që mendon më shumë për të zhdukur një njeri, i cili mund të ndreqet dhe t’i shërbejë vendit. Jo, shokët tanë e kanë humbur këtë gjë dhe në radhë të parë, udhëheqësit e përmbi ta, anëtarët e Komitetit Qendror. Shokët tanë mendojnë vetëm të zhdukin çdo njeri që s’është me ne, që s’mendon si ne, të zhdukin bile edhe njerëz të thjeshtë të popullit, të zhdukin anëtarët e Partisë kokat e të cilëve bien pa peshuar mirë”.
Edhe lidhur me vrasjen e 67 ballistëve, në Lushnje Enver Hoxha kishte kritikuar rëndë Mehmet Shehun. Ai asokohe kishte thënë: Ky gjest e errëson tablonë. Ky ekzekutim, shoku Mehmet, sikundër që e njeh edhe vetë në letrën që i çon shtabit, është i tepruar, pa vend dhe shumë i gabueshëm, pse në vend që të na sjellë fitime, na dëmton”…
