Në shënim të 144-vjetorit të Lidhjes Shqiptare, sot në Prizren janë takuar kryetarët e komunave të Kosovës dhe të Shqipërisë

Në shënim të 144-vjetorit të Lidhjes Shqiptare, sot në Prizren janë takuar kryetarët e komunave të Kosovës dhe të Shqipërisë

Sot në qytetin e Prizrenit, me rastin e 144-vjetorit të Lidhjes Shqiptare  janë takuar bashkë kryetarët e komunave të Kosovës dhe të Shqipërisë. “Bashkë me kryetarët e komunave dhe të Bashkive Shqiptare shënuam këtë ditë të madhe dhe u zotuam ta vazhdojmë këtë traditë të të parëve tanë, sidomos në këtë kohë kur shqiptarët janë faktorë të rëndësishëm dhe faktorë stabiliteti në rajon. Pa Lidhjen e Prizrenit nuk do të kishim 28 nëntorin e vitit 1912, nuk do të kishim lëvizjen kombëtare për çlirimin e Kosovës e cila arriti kulminacionin historik me Ushtrinë Çlirimtare të Kosovës, pa Lidhjen nuk do të kishim çlirimin dhe shpalljen e pavarësisë së shkurtit të vitit 2008. Pa Lidhjen e Prizrenit rrjedha e historisë sonë kombëtare nuk do të ishte e njëjtë… Takimi i sotëm është hap i rëndësishëm drejt intensifikimit të marrëdhënieve në mes te shteteve tona, shkëmbimi i përvojave nga zonat ku jetojmë është mundësi e artë për të reflektuar për ndryshimet qe na plotësojnë e na bashkojnë e na pasqyrojnë historinë e veçantë. Ky takim sot të shërbejë në funksion të ndërtimit të urave të bashkëpunimit”, ka thënë Totaj. Kryetari i Tiranës, Erion Veliaj tha se synojnë rritjen e bashkëpunimit në mes të shqiptarëve dhe mes komunave që përfaqësojnë duke bërë punë të mira për qytetarët.

Kontrolloni gjithashtu

Albin Kurti: Vetëvendosja ka garuar në zgjedhjet e fundit me platformën për punësim dhe drejtësi, jo për rritje pagash

Kryeministri, Albin Kurti, ka thënë sot para deputetëve, në Kuvend,   se pakoja për përballje me …