Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-ministri i Punëve të Brendshme Nehat Mustafa, ka thënë se Kosova nuk mund të jetë bazë e sulmeve terroriste, sikur kanë ndodhur në Stamboll, Bangladesh e Paris. Ai këto komente i ka bërë pas deklaratës së kryeipeshkvit të Kosovës, Imzot Dodë Gjergji, i cili ka deklaruar se shumë shpejt Prishtina, Tirana e Shkupi mund të goditen nga sulmet e ngjashme terroriste siç ndodhi ditë më parë në Stamboll. “Statistikat me të cilat disponon Policia e Kosovës, AKI-ja dhe partnerët ndërkombëtarë flasin se Kosova nuk është dhe nuk mund të jetë një bazë e sulmeve të tilla terroriste”, ka thënë Mustafa, duke shtuar se për tetë muaj s’ka asnjë informacion se ndonjë qytetar nga Kosova ka shkuar në luftërat e Sirisë e Irakut. “Për arsye se falë punës së madhe të institucioneve qytetarët kanë arritur ta kuptojnë rrezikun që sjell terrorizmi dhe se Republika e Kosovës me kohë të caktuar që të jetë aleate e kampit ndërkombëtar kundër terrorizimit. Në Kosovë ka mjaft drejtues mediesh dhe të OJQ-ve të cilët presin me çdo kusht të ndodh ndonjë sulm nga ISIS-i për të arsyetuar burimet që kanë thithur nga të huajt në fushatën kundër islamit në Kosovë.
