Nënkryetari dhe drejtoresha e arsimit e komunës së Malishevës u takuan me punëtorët teknik të shkollave

Nënkryetari i Komunës së Malishevës, Vesel Krasniqi, dhe drejtoresha e Drejtorisë për Arsim dhe Edukim në Komunën e Malishevës, Arbëreshë Krasniqi, sot kanë mbajtur një takim të rëndësishëm me punëtorët teknik të shkollave të komunës. Takimi kishte për qëllim vlerësimin dhe falënderimin për punën dhe angazhimin e tyre të pandërprerë në mirëmbajtjen e ambienteve shkollore. Gjatë takimit, nënkryetari dhe drejtoresha jo vetëm që shprehën mirënjohjen e tyre të thellë, por edhe premtuan se do të sigurojnë të gjitha kushtet e nevojshme për punë, duke i garantuar punëtorët teknik se mbështetja dhe përkrahja e tyre do të vazhdojë. Përveç kësaj, ata diskutuan dhe adresuan problemet me të cilat përballen punëtorët teknik gjatë përditshmërisë së tyre në shkollat e komunës. Ky takim nënvizoi përkushtimin e udhëheqjes komunale për të siguruar kushte më të mira pune për stafin teknik dhe për të përmirësuar cilësinë në objektet shkollore në komunën e Malishevës.

Kontrolloni gjithashtu

KFOR-i italian dhuron pajisje teknologjike për SHFMU ’12 Prilli’ në Vërmicë”

Sot, në një ceremoni të veçantë në SHFMU “12 Prilli” në Vërmicë, një donacion i …