Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas ndarjes nga jeta të veprimtarit Adem Demaçi, kryetari Hashim Thaçi ka shprehur ngushëllimet e tij, duke thënë se Baca Adem tërë jetën ia kushtoi Kosovës. Thaçi ka thënë se është shumë e vështirë të pranojmë që simboli ynë i rezitencës nuk është më në mesin tonë. Është shumë e vështirë ta pranojmë që simboli ynë i rezistencës, baca Adem, ka ndërruar jetë. Ishte gjithmonë i pathyeshëm dhe i papërkulur përballë çdo sfide. Baca Adem tërë jetën ia kushtoi Kosovës dhe ne gjithmonë do ta kujtojnë si udhërrëfyes dhe do ta kemi si zë ndërgjegjeje popullore. I lehtë i qoftë dheu i Kosovës!”, ka shkruar Thaçi.
Kryetari i Kuvendit të Kosovës, Kadri Veseli ka shprehur dhimbje për ndarje nga jeta të veprimtarit Adem Demaçi. “Jo vetëm Kosova, por mbarë kombi shqiptar është i tronditur sot nga humbja e një ndër bijve më të shquar. Me kurajën, sakrificën dhe atdhedashurinë e tij të jashtëzakonshme, ai u bë simbol i rezistencës dhe përpjekjeve të shqiptarëve për liri e barazi në trojet e veta”. Lamtumirë Adem Demaçi, heroi i Kosovës, frymëzimi dhe krenaria jonë”, ka shkruar ndër të tjera Veseli.
Kryeministri i vendit, Ramush Haradinaj ka shprehur ngushëllimet e tij për vdekjen e veprimtarit Adem Demaçi. Haradinaj ka vlerësuar e Baca Adem gjithë jetën i shërbeu dhe gjithë jetën e nderoi atdheun. “Prehu në paqe Baca Adem! Gjithë jetën i shërbeve dhe gjithë jetën e nderove atdheun. Përjetësisht atdheu do ta nderojë e kujtojë veprën dhe emrin tënd”, ka shkruar Haradinaj.
