Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një nënë dhe 3 fëmijët e saj u shpëtuan nga rrënojat 28 orë pas tërmetit shkatërrues, që goditi dje pjesën jugore të Turqisë, raporton Anadolu. Në lagjen Nizip në Gaziantep, nëna Dona Ozkiliq u shpëtua nga rrënojat e një ndërtese, me fëmijët e saj. Katër anëtarët e familjes Ozkilic kishin pësuar lëndime dhe u shtruan në spital. Qytetarët po presin ende pranë objekteve të shkatërruara, për të marrë informacione për të afërmit e tyre të zhdukur. Sipas të dhënave të fundit, të paktën 3 mijë e 381 persona kanë humbur jetën ndërsa të paktën 20 mijë 426 janë lënduar nga tërmetet që goditën dje pjesët jugore të Turqisë. Në të njëjtën kohë, në operacionet e shpëtimit, në qendrat studentore dhe objekte të tjera janë përkujdesur 338 mijë persona. Aktualisht, 11 mijë e 22 ekipe shpëtimi janë në terren, ndërsa kërkimi për të mbijetuarit po vazhdon me intensitet të pandërprerë.
