Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, sot në njëvjetorin e arrestimit të tij, ka thënë se Jakup Krasniqi është duke u mbajtur padrejtësisht larg familjes dhe atdheut. “Sot një vit nga privimi i lirisë që iu bë ish-zëdhënësit të Ushtrisë Çlirimtare të Kosovës, z. Jakup Krasniqi, që vazhdon të mbahet padrejtësisht larg familjes e atdheut. Jakup Krasniqi gjithë jetën e tij ka qenë në shërbim të lirisë. Ai ka qenë dhe mbetet udhërrëfyesi se si duhet e punohet për atdheun. Ne qëndrojmë fort në mbështetje të fuqishme, me besim të palëkundur në pastërti dhe atdhetarizmin e bacës Jakup Krasniqi”, ka thënë Limaj. Një ditë më vonë, më 5 nëntor të vitit 2020 janë arrestuar edhe tre nga themeluesit e UÇK-së, Hashim Thaçi, Kadri Veseli dhe Rexhep Selimi, të cilët së bashku me Jakup Krasniqin, Sali Mustafën, Hysni Gucatin, Nasim Haradinajn dhe Pjetër Shalën janë duke u mbajtur në paraburgim në Hagë.
