OBSH vlerëson se ndikimi i pandemisë në shëndetin mendor do të jetë afatgjatë dhe i gjerë

OBSH vlerëson se ndikimi i pandemisë në shëndetin mendor do të jetë afatgjatë dhe i gjerë

Organizata Botërore e Shëndetësisë tha të enjten se ndikimi i pandemisë në shëndetin mendor do të jetë “afatgjatë dhe i gjerë”. Ekspertët kanë bërë thirrje për veprim lidhur me ankthin dhe stresin e lidhur me COVID-19. OBSH-ja thekson se “ankthi i lidhur me shpërndarjen e virusit dhe ndikimi psikologjik i mbylljes dhe vetizolimit”, kanë kontribuar në një krizë të shëndetit mendor, bashkë me streset e lidhura me papunësinë, shqetësimet financiare dhe izolimin social. Drejtori regjional i OBSH-së për Evropë, Hans Kluge tha se shëndeti mendor duhet të konsiderohet një e drejtë fundamentale njerëzore duke theksuar se virusi ka shkatërruar jetë. “Pandemia e ka tronditur botën”, tha ai në konferencë. OBSH bëri thirrje për forcim të shërbimeve për shëndetin mendor në përgjithësi dhe të përmirësohet qasja në shërbime të kujdesit përmes teknologjisë.

Kontrolloni gjithashtu

Don Agim Qerkini: Shqiptarët janë dëshmi e tolerancës dhe mirëqenies

Famullitari katolik Don Agim Qerkini ka vizituar Bashkësinë Islame të Kosovës nga ku ka uruar …