Albin Kurti

Organizata Amnesty International shpreh shqetësim për përdorim të forcës nga Policia e Kosovës kundër Vetëvendosjes

Organizata ndërkombëtare për të drejtat e njeriut, Amnesty International, u ka drejtuar një shkresë zyrtare institucioneve të Kosovës, lidhur me ndërhyrjen e Policisë në zyrat e Vetëvendosjes, gjatë  vitit të  kaluar. Pas hetimit që kjo organizatë ka bërë, i ka drejtuar letër  ministrit të Brendshëm , atij të Drejtësisë, drejtorit të Policisë, shefit të BE-së, dhe Avokatit të Popullit. Në raport, është konstatuar se në ndërhyrjen e Policisë së Kosovës për të arrestuar, Albin Kurtin më 28 nëntor 2015, ka pasur përdorim të tepruar dhe abuziv të forcës nga policia. Në raport thuhet se  organizata është e shqetësuar për këtë përdorim të forcës nga ana e Policisë. Në veçanti, Amnesty International vlerëson se angazhimi i policëve të armatosur në një nivel të tillë është krejtësisht i pavend. Raporti vë në pah se krejt ajo forcë e Policisë kishte shkuar në zyrat e Vetëvendosjes për të arrestuar një individ të vetëm. Zëdhënësi Baki Kelani ka thënë se ata nuk kanë çfarë të shtojnë pos komunikatave që i kishin lëshuar pas 28 Nëntorit, në të cilat thuhej se ‘Policia ka përdorur forcë proporcionale’.

Kontrolloni gjithashtu

M. Lajçak

Lajçak: Po angazhohemi që të mbahet takimi i radhës mes kryeministrit, Albin Kurti, dhe kryetarit serb, Vuçiq

Emisari i BE-së për dialogun Kosovë-Serbi, Mirosllav Lajçak, tha para gazetarëve në Prishtinë  se po  …