Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, është e shqetësuar për rastin e veteranit dhe invalidit të luftës, Sabit Geci, i cili është keqtrajtuar një kohë të gjatë, duke u mbajtur padrejtësisht nëpër burgje, për gjoja krime lufte. Duke e ditur gjendjen shëndetësore të tij me sëmundje të rënda, sëmundje të cilat janë edhe me diagnoza të njëjta nga ana e mjekëve të UNMIK, EULEX, Turqisë dhe Kosovës, kemi mirëpritur që drejtësia e liroi gjashtë muaj për shkaqe shëndetësore. Lidhur me këtë lirim, jemi habitur me reagimin e ambasadorit amerikan, në Kosovë, Philip Kosnett dhe pyesim se a ka të drejtë të përzihet në drejtësi, dhe pse nuk reagon për mos-gjykimin e serbëve, të cilët kanë bërë dhunime, djegie, shkatërrime dhe krime deri në gjenocid. Duke pasur parasysh që EULEX nuk ka më mandat për këto gjëra, pyesim: A kaq e paaftë është Prokuroria Speciale e Kosovës, që të dërgoi kërkesë në EULEX, për zbutje të dënimit të z. Geci, kur e di që kjo gjë në kompetencë të kujt është. Na ka mbetur të mendojmë se vendorët dhe ndërkombëtarët kënaqen vetëm atëherë kur të ketë vdekur Sabit Geci, thuhet në komunikatën e OVL-UÇK-së, lidhur me këtë rast.
