Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Parlamenti Evropian i ka bërë thirrje Serbisë që të normalizojë marrëdhëniet me Kosovën, duke theksuar se përparimi i saj në procesin e anëtarësimit në Bashkimin Evropian varet nga zbatimi i reformave në sundimin e ligjit dhe respektimi i standardeve demokratike.
Në një reagim të publikuar në rrjetin social X, Parlamenti Evropian thekson se Serbia duhet të dëshmojë angazhim të sinqertë ndaj vlerave të BE-së.
“Serbia duhet të tregojë angazhim të vërtetë ndaj vlerave të Bashkimit Evropian. Përparimi drejt anëtarësimit në BE është i mundur vetëm përmes reformave në sundimin e ligjit dhe forcimit të standardeve demokratike. Serbia duhet t’i normalizojë marrëdhëniet me Kosovën. Për zgjidhjen e krizës politike nevojiten zgjedhje të lira dhe të ndershme”, thuhet në reagimin e Parlamentit Evropian.
