Partia Demokratike e Kosovës sot do të mbajë Konventën për hapjen zyrtare të procesit të zgjedhjeve të brendshme. Në këtë mbledhje, do të marrë pjesë edhe kryetari i PDK-së, Kadri Veseli, i cili në krye të PDK-së ishte vendosur pas largimit të Hashim Thaçit dhe zgjedhjes në postin e kryetarit të Kosovës. Kryetari i PDK-së Kadri Veseli ditë më parë ka thënë se PDK-ja është në procesin e reformimit, dhe se në këtë parti nuk do të ketë vend për ata që janë të korruptuar dhe të cilët kanë dëmtuar këtë subjekt.
