Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia e Aksionit Demokratik të Sanxhakut dënon ashpër demonstrimin e forcës nga ushtria serbe, fluturimin e sotshëm të avionëve ushtarakë serbë mbi Novi Pazar, në kohën kur kryetari serb Vuçiq vizitonte veriun e Kosovës. Përdorimi i avionëve ushtarakë mbi qiellin e Novi Pazarit është një kërcënim i hapur për të frikësuar qytetarët e Novi Pazarit dhe Sanxhakut. Ushtria serbe, policia dhe shërbimet e tjera të sigurisë kryen krimet më të rënda kundër boshnjakëve të Sanxhakut, për të cilët askush nuk i është përgjigjur deri tani dhe këto krime as që janë ndriçuar.
Për këtë arsye, boshnjakët e Sanxhakut shohin ushtrinë serbe, policinë dhe shërbimet e tjera të sigurisë, e përjetojnë si forcë kërcënuar i forcave e armatosura dhe një rrezik objektiv për jetën. Partia e Aksionit Demokratik e Sanxhakut kërkon që presidenti dhe kryeministri serb të pezullojnë çdo përdorim të mëtejshëm të forcave të armatosura serbe në Sanxhak, dhe të njëjtat të largohen menjëherë nga territori i Sanxhakut. PAD e Sanxhakut u bën thirrje përfaqësuesve të bashkësisë ndërkombëtare që të marrin masat e duhura pa vonesë për të ndaluar kërcënimet dhe frikësimin e boshnjakëve të Sanxhakut nga udhëheqja e shtetit serb dhe forcat e armatosura serbe.
