Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia katalunjase, ” Së bashku për Katalonjën”, e udhëhequr nga Karl Puigdemont, ka paraqitur një propozim në Parlamentin e Spanjës, duke kërkuar që qeveria spanjolle të njohë pavarësinë e Kosovës. Spanja është një nga pesë vendet e Bashkimit Evropian që ende nuk e ka njohur pavarësinë e Kosovës, e shpallur më 17 shkurt 2008. Kjo parti thekson se njohja e Kosovës nga Spanja është jetike për politikën e integrimit të Ballkanit Perëndimor në BE dhe se refuzimi aktual i Madridit përbën një pengesë dhe faktor destabilizues. Propozimi thekson se Kosova është njohur nga 104 vende anëtare të OKB-së dhe 22 shtete të BE-së, duke përfshirë dhe vendimin e Gjykatës Ndërkombëtare të Drejtësisë që konfirmon ligjshmërinë e shpalljes së pavarësisë së Kosovës. Partia gjithashtu rikujton njohjen e pasaportave të Kosovës nga Spanja që nga janari i këtij viti, gjë që u mundëson qytetarëve të Kosovës të udhëtojnë pa viza në zonën Shengen.
