Përfundon takimi në mes Edi Ramës, Lulzim Bashës dhe kryetarit Bujar Nishanit

Përfundon takimi në mes të Edi Ramës, Lulzim Bashës dhe kryetarit Bujar Nishanit

Kryeministri i Shqipërisë, Edi Rama dhe kryetari i Partisë Demokratike, Lulzim Basha kanë përfunduar takimin 3 orësh në zyrën e kryetarit Bujar Nishani. I pari që ka lënë Presidencën ka qenë kryeministri Edi Rama, i shoqëruar nga kryetari i grupit parlamentar të PS-së, Gramoz Ruçi. Ndërsa, kryetari i PD-së, Basha ka dalë më vonë nga selia e kreut të shtetit. Takimi i thirrur nga kryetari Nishani ka filluar në orën 10:00, pas mbërritjes në Presidencë të Edi Ramës dhe Gramoz Ruçit e më pas Lulzim Bashës dhe Edi Palokës. Palët kanë shmangur ndërveprimet në ato pak minuta që kanë qenë para kamerave dhe nuk ka ende detaje se çfarë është diskutuar në takimin e ndërmjetësuar me shpresën për t’i dhënë fund krizës 3-mujore. Për këtë takim është lejuar vetëm një mundësi e shkurtër për foto dhe pamje filmike dhe gjatë kësaj kohe nuk ka pasur asnjë shtrëngim duarsh, raporton “TopChannel”. Kamerat janë lejuar të filmojnë më pak se 2 minuta këtë takim, mjaftueshëm sa për të kuptuar se dy liderët kanë shmangur përgjatë kësaj kohe çdo shikim ndërmjet njëri-tjetrit. Por, buzëqeshjet e shkëmbyera me kryetarin e Republikës nuk kanë munguar.

Kontrolloni gjithashtu

“Junts per Catalunya” në Parlamentin e Spanjës po kërkon që Qeveria e këtij vendi ta njohë, pavarësinë e Kosovës

“Junts per Catalunya” në Parlamentin e Spanjës po kërkon që  Qeveria e këtij vendi ta …