Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Përparim Gruda, ka deklaruar se Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme nuk i ka adresuar vërejtjet kryesore të institucioneve vendore dhe ndërkombëtare. Ai bëri të ditur se në mbledhjen e Komisionit për Legjislacion është shqyrtuar drafti aktual i projektligjit, për të cilin tha se mbetet problematik në raport me rekomandimet e Gjykata Kushtetuese e Kosovës dhe Komisioni i Venecias. Sipas Grudës, megjithatë ekziston mundësia që projektligji të përmirësohet ndërmjet dy leximeve në Kuvend, në mënyrë që të harmonizohet me Kushtetutën e Kosovës dhe standardet ndërkombëtare. Ai theksoi se adresimi i këtyre vërejtjeve është thelbësor për të shmangur probleme ligjore dhe për të garantuar që ligji të jetë i zbatueshëm dhe i qëndrueshëm.
