Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Universiteti i Prizrenit që mban emrin e veprimtarit, Ukshin Hoti, sot, në ambientet e veta ka vendosur gurëthemelin e shtatores, në shenj kujtimi, nderimi e mos-harrimi për jetën dhe veprën e këtij personaliteti ndër më të dalluarit e më të spikaturit të kombit tonë. Ukshin Hoti ka lindur më 17 qershor të vitit 1943 në Krushë të Madhe të Rahovecit. Është arrestuar disa herë nga regjimi serb. Herën e parë është arrestuar në vitin 1981, kur së bashku me një grup intelektualësh, në krye me veprimtarin, Halil Alidemaj është dënuar tetë vjet burg për veprimtari nacionaliste dhe irredentiste. Herën e fundit në vitin 1994 e arrestoi policia serbe me akuzën e ushtrimit të aktiviteteve armiqësore kundër Jugosllavisë dhe për pjesëmarrjen e tij në organizatat çlirimtare të Kosovës. Regjimi i Milosheviqit e kishte dënuar 5 vjet burg. Më 16 maj të vitit 1999, dita kur ai edhe zyrtarisht kishte kryer dënimin, Ukshin Hotin e ka zhdukur polica serbe pa lenë gjurmë dhe nga ajo datë nuk dihet asgjë për fatin e tij.
