Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Batalionit të Katërt të Brigadës 138 të UÇK-së në Zonën Operative të Dukagjinit, Pren Marashi, ka reaguar ashpër pas dështimit të 33-të me radhë për konstituimin e Kuvendit të Kosovës. Përmes një postimi publik, ai ka shprehur shqetësim të thellë për krizën politike që po e paralizon vendin. “Kuvendi! Me gjak, vuajtje dhe sakrifica të mëdha u krijua shteti, tani me pagat e shtetit po punojnë për ta shkatërruar atë”, ka shkruar Marashi. Ai ka kritikuar klasën politike për mungesën e përgjegjësisë dhe për keqpërdorimin e institucioneve në funksion të interesave të ngushta partiake. Sipas tij, sjellja e përfaqësuesve politikë është në kundërshtim me idealet për të cilat u luftua dhe sakrifikua. Marashi i ka bërë thirrje deputetëve që të reflektojnë dhe të vendosin interesin e shtetit mbi çdo kalkulim politik.
