Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në një konferencë janë prezantuar metodologjitë, standardet dhe instrumentet për të ndihmuar rritjen e cilësisë në sistemin e drejtësisë. Sistemi i drejtësisë në Kosovë po përballet me sfida të shumta sa i përket efikasitetit dhe besueshmërisë. Francois Paychere, kryetar i Grupit Punues për Cilësi të Drejtësisë dhe anëtar i Gjykatës së Auditorëve në Kanton të Gjenevës, tha se është i nevojshëm shkëmbimi i përvojave në ngritjen e cilësisë në sistemin e drejtësisë. Ai tha se e gjithë puna është e orientuar në aplikimin sa më të mirë të konventës evropiane. Ndërsa, Nehat Idrizi nga Këshilli Gjyqësor i Kosovës, deklaroi se gjyqësori ka shumë nevojë që të rrisë efikasitetin e punës ngase besimi në këtë institucion nuk është në nivelin më të kënaqshëm. Sipas tij, aplikimi i kësaj metodologjie siguron mundësi për përmirësimin e drejtësisë. Po ashtu, ai shprehu shqetësimet e qytetarëve ndaj vonesave së procedurave të lëndëve nëpër gjykata.
