Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria e Gjykatës Speciale në Hagë rikonfirmon se se akuzat për krime lidhen me tërë Ushtrinë Çlirimtare të Kosovës dhe jo vetëm me disa individë të veçantë. Ky deklarim u bë gjatë një përplasjeje me mbrojtjen e të akuzuarve, në lidhje me një artikull të “New York Times” që pretendon përfshirjen e UÇK-së, në një krim të kryer në Bardh të Madh. Gjatë seancës, prokurori Matt Halling pyeti gazetarin, Nuhi Bytyqi për njohuritë e tij lidhur me artikullin që përshkruan se UÇK-ja, kishte vrarë nëntë pengje pasi forcat serbe rimorën kontrollin e një mihjeje të thëngjillit. Nuhi Bytyqi mohoi të kishte dëgjuar për këtë ngjarje, si në atë kohë ashtu edhe deri më sot. Avokati i Hashim Thaçit, Luka Misetic, kundërshtoi përfshirjen e këtij materiali, duke kërkuar nga prokuroria të shpjegonte relevancën e tij, pasi nuk është pjesë e aktakuzës. Prokurori Halling, në përgjigjen e tij, theksoi se akuzat qendrore janë për krimet e kryera nga UÇK-ja si një njësi e tërë.
