MIT KS
Fillimi / Institucionet / QENDRAT E MJEKËSISË FAMILJARE NË KRUSHË TË MADHE DHE RATKOC NË SHËRBIM TË QYTETARËVE

QENDRAT E MJEKËSISË FAMILJARE NË KRUSHË TË MADHE DHE RATKOC NË SHËRBIM TË QYTETARËVE

Kryetari i komunës së Rahovecit Smajl Ltifi, i  shoqëruar nga bashkëpunëtorët, gjatë ditës ka vizituar stafin mjekësor në QMF-të, në Krushë të Madhe dhe Ratkoc, staf ky i cili po qëndron në krye të detyrës në këto ditë të vështira të krijuara nga COVID-19. Kryetari Latifi ndër të tjera ka thënë: Nga afër u njoftova me përgatitjet që janë bërë, edhe pse ende nuk është verifikuar asnjë rast i infektuar me virusin COVID-19 në komunën tonë, stafi mjekësor i të dy qendrave është i pajisur me maska, dezinfektues dhe të gjitha masat mbrojtëse, në mënyrë që të ofrojnë shërbime profesionale dhe të sigurta për qytetarët, tashmë kemi marrë vendim që në të dy QMF-të në Krushë të Madhe dhe Ratkoc, edhe ditën e shtunë të punohet me orar të rregullt. Në cilësinë e Kryetarit të Komunës, të dy stafet në këto QMF, i inkurajova që në këtë situatë të jenë sa më vigjilent dhe të zbatojnë në përpikëri të gjitha rekomandimet e dhëna nga Organizata Botërore e Shëndetësisë (OBSH) dhe Instituti Kombëtar i Shëndetësisë Publike i Kosovës (IKSHP). Për të arritur misionin tonë në parandalimin e këtij virusi, nevojitet edhe vetëdijesimi i juaj, andaj kërkoj nga të gjithë ju të nderuar qytetarë, që të qëndroni në shtëpitë e juaja, e në rastet kur keni shenja të virusit korona të kontaktoni këta numra:

  • ☎️ 044/ 230- 138 – Drejtori i QKMF-së Rahovec

  • ☎️044/ 426- 416 – Drejtori i DSHMS-së Rahovec

  • ☎️029/ 277- 913 – Stacioni Policor Rahovec

Mjekët, infermierët, sanitarët dhe personeli mbështetës janë në vijën e parë të përballjes me pandeminë COVID-19. Mirënjohje të thellë dhe falënderim për përkushtimin, profesionalizmin dhe sakrificat, edhe të familjeve të tyre. Ka thënë kryetari Latifi.

Kontrolloni gjithashtu

Kryetari Latifi uron qytetarët me rastin e Festës së Fiter Bajramit

Kryetari i komunës së Rahovecit Smal Latifi, me rastin e Festës së Fiter Bajramit uron ...