leoni

Qeveria partner në reformimin dhe avancimin e sektorit të ujërave

04/11/2016 Institucionet

Qeveria e Kosovës është partner i vazhdueshëm në reformimin dhe avancimin e sektorit të ujërave. Deri më tani për këtë sektor nga vitin 2000 janë dhënë  315 milionë euro, investime të përgjithshme, kështu ka deklaruar zëvendësministrja e Zhvillimit Ekonomik  Besa Zogaj Gashi, në Konferencën  dhe Ekspozitën e përbashkët Ballkanike  me temë “Uji dhe Punësimi”, organizuar nga SHUKALB dhe SHUKOS që po mbahet në Tiranë.

Me këtë rast zëvendësministrja  Zogaj – Gashi, ka pohuar se sektori i ujit tashmë mund të quhet si një histori suksesi duke iu referuar indikatorëve, të  cilët flasin për mbulueshmëri me ujë të pijshëm deri në 85 për qind.

“Sektori i ujit është  histori suksesi, sepse pothuajse të gjithë indikatorët e performacës nëpër vite kanë shënuar rritje dhe përmirësim  të shërbimeve, inkasimit si dhe organizimit të kompanive  në nivel regjional “, ka thënë Zogaj Gashi.

Ajo ka përkujtuar se Qeveria e Republikës së  Kosovës poashtu është e përkushtuar në implementimin  e Strategjisë Kombëtare për Zhvilim Ekonomik  2016-2022, në të cilën  energjia,bujqësia, minierat,  janë sektorë prioritar përfshirë edhe përkushtimin në sektorin e ujit duke e mbështetur në vazhdimësi.

“ Tani më janë konsoliduar strukturat menaxhuese të gjitha kompanive regjionale të ujërave dhe kërkohet nga to që të rrisin indikatorët e performacës dhe zhvillimin  e strategjive për resurse njerëzore me të cilat avancojnë sektorin”,  tha Zogaj – Gashi.

Ajo me tutje   po ashtu ka  bërë të ditur  se tashmë  Programi i Ujit të Danubit, i cili po  punohet  me akterët e Kosovës pranon organizimin dhe reformat e sektorit të ujit të Kosovës, ku e  vlerëson Kosovën si më të mirën në rajon në kuptim të qëndrueshmërisë së sektorit.

Kontrolloni gjithashtu

Kryetari Haliti mbajti takim me mekanizmat relevant rreth parandalimit të përhapjes së zjarreve

Sot në Viti, me nismën e kryetarit të komunës së Vitisë, Sokol Haliti është mbajtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara