Edhe sot qindra qytetarëve serbë, kryesisht punëtorë të institucioneve, po protestojnë para tri komunave veriore të vendit, Leposaviq, Zveçan dhe Zubin Potok. Ata po qëndrojnë nëpër tendat e improvizuara para ndërtesave komunale, ndërsa në Leposaviq kanë organizuar edhe aktivitete sportive. Situata aktuale mund të konsiderohet e qetë, ndonëse protestuesit serbë vazhdojnë të kundërshtojnë hyrjen e kryetarëve shqiptarë në tri ndërtesat komunale, ku ata i kanë vendet e tyre të punës.
![Kryetari i Zubin Potokut, Izmir Zeqiri dhe kryetari i Zveçanit, Ilir Peci janë të shqetësuar për mundësinë e eskalimit të situatës](https://www.radiokosovaelire.com/wp-content/uploads/349324956_553980943611980_3778368520236430837_n-660x330.jpg)