Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Libri “Gjuhë Shqipe 8” është vlerësuar dhe përzgjedhur nga MASHT-i për të mësuar gjuhën tonë. Lajmin e ka bërë të ditur njeri nga bashkëautoret e këtij libri Ragip Gjoshi. “Libri shkollor “Gjuhë shqipe 8” nga ky vit i ri shkollor, do të jetë në përdorim zyrtar, në të gjitha shkollat e Kosovës. Ky libër është plotësisht i bazuar në Planprogramin mësimor të kësaj lënde dhe në Kornizën e Kurrikulës së Arsimit Parauniversitar të Republikës së Kosovës. Kam kënaqësinë t’iu njoftoj si bashkautorë, se teksti shkollor “Gjuhë shqipe 8” doli fitues dhe u vlerësua si më e mira nga ana e recensentëve të MASHT-it. Me këtë rast falenderoj prof.dr. Mimozë Gjokutaj, për formimin e një ekipi të mrekullueshëm të punës dhe shtëpinë botuese “Pegi” për besimin! Ishte kënaqësi bashkëpunimi me profesoreshat Mimoza Gjokutaj, Anila Mullai,Flora Koleci e Elsa Skënderi- Rakipllari, këto eksperte elitore të librit shkollor! P.S. Libri “Gjuhë shqipe 8” shoqërohet edhe me “Librin e mësuesit” dhe “Fletore pune Gjuha shqipe 8”, ka shkruar ai.
