leoni

Rahoveci ka miratuar Buxhetin për vitin fiskal 2023

23/09/2022 Institucionet

Pas konsultimeve me qytetarë, biznese, shoqërinë civile, fermerë, gjithashtu, pas dëgjimeve publike buxhetore e vlerësimeve nga profesionistë të të gjitha fushave, sot në mbledhjen e rregullt të Kuvendit Komunal të Rahovecit, u miratua buxheti për vitin 2023, i cili në total (për të gjitha kategoritë buxhetore) është: 17,548,240.00 €. Kësisoj, me: 18 vota PËR, 12 KUNDËR dhe 1 ABSTENIM, këshilltarët e Kuvendit Komunal në Rahovec, miratuan buxhetin për vitin 2023, i cili ka në fokus:

* Qeverisjen e mirë dhe të përgjegjshme;

* Përkrahjen e bujqësisë dhe të fermerëve;

* Projekte infrastrukturore dhe shërbime më të mira publike;

* Investime dhe prioritete për ngritjen e cilësisë në edukim dhe arsim;

* Investime publike dhe përkrahje për kulturën, sportin, rininë, trashëgiminë kulturore dhe historike;

* Investime në modernizim, pajisje dhe ofrim të shërbimeve më efikase dhe më të mira shëndetësore;

* Projekte dhe investime në funksion të turizmit dhe ekonomisë.

I pranishëm ishte edhe kryetari i komunës së Rahovecit Smajl Latifi i cili tha se, si rrjedhojë, ky buxhet është mundësi reale për vazhdimin e përpjekjeve për përmbushjen e planit tonë për vitin 2023, në shërbim të qytetarëve të komunës së Rahovecit. Miratimi i buxhetit të Komunës, nuk është vetëm një akt formal i ngritjes së dorës. Është mbi të gjitha vendimmarrja më e drejtpërdrejtë për të mirat që i ofrohen rahovecasve për 365 ditët e ardhshme. Në këtë lartësi të kompetencës e përgjegjësisë publike, jam besimplotë se në secilin nga ju, ka lënë gjurmë projeksioni ynë buxhetor për ta orientuar Rahovecin në një nivel të ri, atë të konkurueshmërisë së gjerë e lartësimit të tij në mesin e qendrave të tjera. Për këtë, dhjetëra anëtarë e punonjës së qeverisjes lokale kanë disajnuar, ofruar e planifikuar, projekte që prekin çdo sferë të jetës shoqërore, pa lënë anash në asnjë çast, investimet që komunës sonë i japin karakter shumë më të gjerë se lokal. Falënderoj të gjithë ata që janë përfshirë në këtë proces shumë të rëndësishëm, si dhe anëtarët e Kuvendit Komunal për kontributin që dhanë në votimin e buxhetit për 2023 dhe të projeksioneve për vitet pasuese, 2024 dhe 2025. Urime të gjithë qytetarëve të komunës së Rahovecit, ka rth[n[ kryetari Latifi.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara