KEK
Fillimi / Lajmet / Rama vlerësoi rolin që Amerika ka luajtur në mbrojtje të interesave kombëtare të shqiptarëve
Rama

Rama vlerësoi rolin që Amerika ka luajtur në mbrojtje të interesave kombëtare të shqiptarëve

Kryeministrit i Shqipërisë, Edi Rama, në nisje të vizitës në SHBA është takuar me kryetarin e Bashkisë së Nju Jorkut, Bill de Blasion. Gjatë takimit me kryebashkiakun e Nju Jorkut kryeministri Rama ka vlerësuar marrëdhëniet e shkëlqyera në mes të Shqipërisë dhe SHBA. Ai po ashtu ka vlerësuar rolin që SHBA-ja ka luajtur në mbrojtje të interesave kombëtare shqiptare. Ndërsa kryetari i Bashkisë së Nju Jorkut, Bill de Blasio, e ka përgëzuar kryeministrin Rama për reformat e ndërmarra. Po ashtu ai e ka vlerësuar rolin e diasporës shqiptare në Nju Jork. Kryeministri Edi Rama është pritur me protesta në Nju Jork, derisa hynte në Muzeun Hebre, ku është zhvilluar e ceremonia e takimit të tij me diasporën shqiptare në SHBA. Në fillim të aktivitetit, ajo që ra në sy ishte një grup ambientalistësh shqiptarë dhe amerikanë, të cilët e kishin menduar ndryshe pritjen e kryeministrit të Shqipërisë, duke protestuar me pankarta në duar “Edi Rama no hydropower in Valbona”.

Kontrolloni gjithashtu

Deputeti i AAK-së, Daut Haradinaj kritikon qeverinë për vonesën e krijimit të Komisionit për të burgosurit politik

Deputeti i AAK-së, Daut Haradinaj kritikon qeverinë për vonesën e krijimit të Komisionit për të burgosurit politik

Shefi i Grupit Parlamentar të AAK-së, Daut Haradinaj në seancën e Kuvendit të Kosovës ka ...