Rrustem Geci: Poemë për vrasjen e 2785 regrutëve shqiptarë, në Tivar


 





X H E L A T Ë T


 


Poemë për vrasjen e 2785 regrutëve shqiptar në Tivar


 


Ai muaj ishte mars, ishte prill
ai vit ishte 1945, dhe ajo luftë
Kosovën e nxori të humbur
me 35 mijë djem të pushkatuar


 


Për atë kasaphane në Tivar
Kosova pyet, pyesin familjarët
pse djemtë tanë na u masakruan
dhe plisin në Tivar na e shkelën


 


A ka faj Tivari, apo prejardhja
për vrasjen e 2785 djemëve tanë
edhe dhimbjes m´ i dalin lot, e
gojës m´i merret fjala dhe qanë


 


Pjetri; xhelatit i tregova shenjën 
e Krishtit; por xhelati s´e njihte
atë, dhe mua më therri si berre
mik, të tëra zorrët i kam në duar!..


 




———————————————


 


Të pushkatuarit shqiptar në Tivar
Të pushkatuar nga xhelatët serbë
pyesnin, përse ne duhet të vritemi
përse kjo pusi e serbëve në Tivar


 


Kosovë o zemër, mos më mallko
dëgjoja zërin e plagosur të Avdiut
Se duar e këmbë i kam të lidhura
Fytyrën me thika ma kanë prerë


 


Krimi në Tivar mbetet gjenocid
vrasja regrutëve i duhej Serbisë
Kosovën ta çarmatoste nga forca
e gjallë, edhe një Mollë të kuqe ta
                                       vriste


 


Krimi në Tivar ishte i menduar
ai vazhdoi pastaj në Dubrovnik
vazhdoi në Likë, Nish, e Beograd
deri më 17 shkurt të vitit 2008


 


 



————————————————–


 


A kishte faj udhëheqja Kosovës
për masakrën në Tivar, them po 
mobilizimin e regrutëve shqiptar
Shtabi i Kosovës e kishte bërë


 


Ç´po ndodhë vallë me Kosovën
qanin gjyshet dhe gjyshërit tanë
Kosova na mbeti fare pa djemë
pa burra për ta mbrojtur vendin


 


Tivari ishte një varr i projektuar
se varre të reja hapeshin çdo ditë
për ta gjunjëzuar Kosovën , që
Kosova të mbetej nën Serbi


 


Regrutët tanë i vrau ushtria serbe
Me një vendim të Jugosllavëve
Ata u pushkatuan nga xhelatët 
që Kosova të mos vetëmbrohej


 


 



———————————————–


 


Krimi në Tivar mbetet i gjallë
sado që atë e varrosën thellë
në Tivar nuk ka një gur varri
për 2785 regrutë të pushkatuar


 


Nga Kosova e deri në Tivar
rruga ishte më e keq se në varr
në atë udhë të mundimshme
shumë nga tanët vdiqën rrugës


 


Mes plagëve dhe bajonetave 
pashë në ëndërr vajzën time
kjo masakër duhet të kujtohet
për të gjithë brezat e Kosovës


 


Nuk njerizohen serbët xhelat
Garashaninët, dhe Rankoviqët
ata vranë gjithandej Toplicën
regrutët të lidhur na i therrën


 


 



—————————————————-


 


Të pushkatuarit e Tivarit thërarsin
që gjaku i tyre të mos thaj
Kosovë, mblidhi pikat e gjakun tënd
Mblidhe se është gjak i të rënëve


 


Për atë krim të Serbisë në Tivar
Kosova e Tirana duhet të ulurasin
në të gjitha kancelaritë e Evropës
Për t´ i bëhet një gjyq Serbisë


 


Serbia me pamje të njeriut
herët a vonë do të përgjigjet
për krimet mbi popullin tonë
për gjenocidin e padënuar serbë


 


Pushtimi i Kosovës nga sllavokomunistët
Bëri që të ndodhë Tivari
serbët vranë 35 mijë shqiptar të
Kosovës, për të aneksuar Kosovën!..


 




———————————————–


 


Prejardhja shqiptare e Kosovës
Ishin shkallët e pushkatimit 
fliste në zjarrmi Alimaloku
pak çaste përpara se të vdiste


 


Ne s´kemi vrarë, as vjedhur s´kemi
i thoshte Preni plagës së tij
ne po vdesim krejt të pavarrosur
dhe pa një ceremoni varrimi


 


Tivari ishte vetëm një varr 
varre të reja hapeshin çdo ditë
që Serbia të dërgojë kolonët
mbi hipoteka të shqiptarëve


 


Ah, sikur të isha pa pranga
dhe duart t´i kisha pak të lira
do të luftoja edhe me thikat, e
të vdisja, me gishtin në këmbëz


 




————————————————


 


Kosovë, heshtja s´ paska duar 
ngrite zërin për të rënët në Tivar
Thërrasin nënat dhe baballarët
Kosova, dhe të ardhshmit e saj


 


Kosovë, mblidhe gjakun tënd
Se njëgjakësh jemi shqiptarët
Këtu një kufomë, aty një tjetër,..
Djem të Kosovës të pushkatuar


 


Gjenocidi i organizuar i Serbisë
nuk ishte kontroll dokumenti
po ekzekutim i atypëratyshëm
ndëshkim, ndjekje,dhe pushkatim


 


Qëllimi i pushkatimit në Tivar
kujtoj se ishte prejardhja jonë
ndarja e Kosovës nga Shqipëria 
dhe pushtimi i tokave shqiptare


 


 



—————————————————


 


Shumë nga regrutët tanë të therrur
zorrët e tyre i mbanin nëpër duar
ata fluturonin nëpër qiejt e tyre
por fjalë nuk nxjerrnin nga goja


 


Në atë pusi vrastare për Kosovën
Na u mor Tivari, na u mor Ulqini
të pushkatuarit në Tivar, ishin gjak
I shtetit të ardhshëm të Kosovës


 


Mbi lirinë e shkelur të Kosovës
Serbia vrau me plumb e bajonetë
me mija qemë gjysmë të vdekur
dhe me mija qemë të pavarrosur


 


Pushtimi serb shumë na ka vrarë
xhelatët serbë edhe tani vrasin
ata po shtien në të gjitha anët
edhe pas një shekulli krimesh


 


 



————————————————


 


Për pushkatimet në Tivar
dhe aneksimin e Kosovës, nga
ushtria serbo-sllave e Titos
shkrimet e mirëfillta mungojnë


 


Në atë kasaphanë çnjerëzore
prilli i detit e mban mend
ai do të flasë në çdo kohë
për serbët me pamje të xhelatit


 


Gjenocidi i padënuar serb në Kosovë
vazhdon me mendësinë e vjetër
se krimin mund të varrosësh
Gropave të fshehta të kohës


 


Krimi në Tivar mbetet i gjallë
sado që atë e varrosën thellë
në Tivar nuk ka një gur varri
për 2785 regrutë të pushkatuar


 


10 
————————————————–


Ky homazh prushi dhe zemërimi 
për Kosovën e vitit 1945, për
regrutët e pushkatuar në Tivar
nga ushtria dhe fallangat serbe 
do ta quaja plagën më të patharë 
për të gjithë brezat e popullit tonë
Ky homazh për 2785 regrutët tanë 
na bën që liria të jetë e pakënaqur
na bën që Kosova të jetë në luftë
edhe për Tivarin, edhe për Manastirin
Prandaj, ky homazh për regrutët 
të vrarë të lidhur dhe nën pranga
edhe fjalën e bëjnë të qaj e t´uluras
por, kini durim; ata do të zgjohen
posa t´ i mbushin njëqind vjet
ata do të ngrihen e do të flasin, se 
ishin gjak i shtetësisë së Kosovës
gjak i njësimit dhe i përbashkimit!..


 


 


Rrustem Geci – Dortmund, 2015



 


 


 


 


 


 


Rrustem Geci: KËNGËT E TË PAURTIT


 


 


I këndoj shqiptarët    5  shtete


këtu jam prej  13  mijë  vjetësh


jam qytetar modern dhe i lashtë


këtu e kam të  shkruar historinë


 


Kam mësimin e të gjitha epokave


urtësinë e të mençurit, guximin


e më trimit, flas gjuhën time, kam


shkollën e përparuar të  brezave


 


Prej 13 mijë vjetësh  jam  krijues


këtu jam mbjellës dhe ndërtues


e kam të gjakut tim Skënderbeun


dhe  katër  papë    krishterimit


 


 Shqipëri, Tokë-Mëmë e atdheut


thuaje fjalën e të paurtit tënd, se


pata humbje nëpër shumë beteja


mbeta vetëm me pushkë malesh


 


 


R E V O L T Ë


 


Zemërimi do të del vet në rrugë


Të proteston kundër padrejtësisë


Ai do t´i thotë të gjitha kërkesat


Do ndeshet vet me shtiracakët


 


Zemërim fol, ky çast është i yti


Plakur jemi fushave të betejave


Historia, kjo elegji e pakryer


Ende mbetet gjykatëse nën hije


 


Mediokrit e më gojëshqyerve


Të dehur qeshin para pasqyrave


Kosovën e kanë futur në valixhe


Dhe mbajnë fjalime nëpër banjo


 


Zemërimi do të del vet në rrugë


Ai do ti mbrojë fitoren e luftës


Nëse lirinë e zhveshin nga fitoret


Kosova e di çfarë duhet të bëjë!..


 


 


Mullisi i gjakut


 


Nën pushtim e nën pushtues


Serbia ishte mullisi i gjakut


hafijet që atë e ushqenin


nxitësit e fshehtë të krimit


 


 Nën pushtim e nën pushtues


Serbia ishte ai i përgjakuri


ai që bënte varrin e varrezat


ndërsente vrasësit të vrasin


 


Nën pushtim e nën pushtues


bëhej një luftë e çuditshme


të pasurit mbronin vetveten


të varfërit mbronin varfërinë


 


 


 


Nën pushtim e nën pushtues


ata që vrisnin njëri-tjetrin


serbia fshehtas i shpërblente


me medalje për vëllavrasje


 


K O P S H T A R I


 


 Rrënjët i ke të zemrës së dheut


ushqimin e ke të dheut të tokës


ujin e ke prej shiut të bardhë


frymën e ke prej ajrit qiellor


 


 Pemë e mollës, mollë në degë


ke emrin më të pakufishëm


të tokës që të ushqen e mbanë


të tokës që vetëm gjelbëron


 


 Pemë e mollës, mollë në degë


jetojmë në të njëjtin truall


që nga lindja e njeriut e këtej


ti je pema jonë më tokësore


 


 Pemë e mollës, mollë në degë


tregomë diçka nga jeta jote


nga mendimet tua të gjelbra


nga përjetimet tua prej peme


 


 Dortmund, 2015


 


 


 


Rrustem Geci – poezi promemoriale


 


 


P R I Z R E N I


 


 A  do    jemi    kohë  historike


mbi Prizren ende ka ré    zeza


rënia e himnit s´mund të ndodhë


flaka e këngëve vetëm po shtohet


 


 Ky  qytet  njëzotësh i shqiptarëve


shkruan Gjirokastra për Prizrenin


është përtej 7 mrekullive të botës


Prizreni ujin e vet e njeh nga etja


 


 Është vullnet qytetar i shqiptarve


dhe gjak i të gjithë shekujve tanë


që kombi ynë më të mos bëj burg


për çlirim tokash dhe kryengritje


 


 Atdheu, sot po bisedon në Prizren


Në shtëpinë – shekull    Lidhjes


aty ka një Këshill që po vendosë


që Prizreni të jetë Vlora e vërtetë


 


 A do ta bëjë  këtë  histori  Atdheu


që n´Prizren të shpallet Bashkimi


retë në qiell mund të kenë rrufe, po


Nusja e kombit sot do kurorëzohet!..


 


 Dortmund, Mars, 2015


 


Bisedë me lirinë, poezi nga krijimtaria e Rrustem Gecit


 


Të fituam me zjarrin e zemrës


me prushin e shpirtit, me flakë


të epokës. Të nxorrëm ku kishe


rënë, me dorën e bërë grusht


 


 Të fituam me gjakun e betejave


me dashurinë e të rënëve, me


dritën e pashuar të shtëpive,dhe


me gisht në këmbëz të pushkës


 


 Kosovë, bijë e Shipërisë, motër


e Shkupit dhe e Tetovës, motër


e Çamërisë, dhe e Arbëreshit


motër e Preshevës dhe e Ulqinit;


 


 Dhimbje kam në kraharor, jetoj


me plagë të rënda për tokën që


ma grabitën, për pjesë t´atdheut


tonë në burg, dhe në kryengritje


 


Kosovë, merre fitoren    duar


të mos rikthehet kohë e burgut


e gjyqeve të montuara, arresteve


kohë e lotëve të nënave për bijtë!..


 


 


KANUNI POETIK


 


 


Aty ku e drejta është në burg


dhe liria ç´nderohet çdo ditë


lufta politike s´njeh të afërm


aty edhe i afërmi merr gjak


 


Kjo lëndë e trishtë për pushtet


hap rrugët e përgjakjeve, dhe


mbahet me injarantë e teveqel


dhe ngritet me fushatë e krim


 


Në betejat e ashpra për fron


sponzor janë rendi dhe paraja


diktatorët nuk lindin vetvetiu


në fron ata i ngrejnë magnatët


 


Një pretendent të tijëve u tha;


nëse unë do vij në pushtet; u


jap qumësht nga qumështi i


juaj, dhe bukë nga buka juaj


 


I DEHURI I KËNGËS SË MOLLËS


 


 Jam nga zotërinjtë tuaj të tokës


lirik i mbrëmjes dhe i mëngjesit


dashnor i dehur i më të bukurës


mik i të vetëdjegurve të këngës


 


 S´pytet sa është e thellë dhimbja


dhe as sa është e afërt ëndërra


dehja është shumë më e thellë


në një thellësi janë me dashurinë


 


Në kopshtin e mollëve të mërzitura


djali i mungon të bukurës pemë


Antike është nata në kopësht


dhe lirikë është hëna nëpër degë


 


Jam nga zotërinjtë tuaj të tokës


tingujt e rrugës mi do zemra


jam i vetëlindur në kohën time


jam i dehuri i këngës së mollës!..


 


 


Rrustem Geci – Dortmund,2015

Kontrolloni gjithashtu

Shkolla Shqipe – Zvicër organizon promovimin e krijimtarisë letrare të Bedri Dedjes

Shkolla Shqipe – Zvicër organizon promovimin e krijimtarisë letrare të Bedri Dedjes

Të premten, me datën 17 qershor Shkolla Shqipe – Zvicër organizoi promovimin e krijimtarisë letrare …