Rufki Suma-ish komandant i Brigadës 164 “Gafurr Loku“ në Han të Elezit, rrëfen si iu dorëzuan armët anglezëve në Ditën e Çlirimit

Rufki Suma-ish komandant i Brigadës 164 “Gafurr Loku“ në Han të Elezit, rrëfen si iu dorëzuan armët anglezëve në Ditën e Çlirimit

Rufki Suma-ish komandant i Brigadës 164 “Gafurr Loku“ në Han të Elezit, tregon për negociatat për dorëzimin e armëve të UÇK-së, britanikëve në Ditën e Çlirimit. Në ditën e parë të çlirimit të Kosovës, më 12 qershor 1999, forcat britanike të NATO-s hasën në ushtarët e Ushtrisë Çlirimtare të Kosovës, në qytetin e Hanit të Elezit. Britanikët kërkuan dorëzimin e armëve nga UÇK-ja, të cilët fillimisht hezituan. Njësiti special britanik “Gurkat” hyri në Kosovë përmes kufirit me Maqedoninë e Veriut dhe u takua me komandantin e Brigadës “164”, Rufki Suma, i cili ishte i vetëm dhe i armatosur. Pas përshëndetjes me ushtarët britanikë, Suma vazhdoi për t’u takuar me ushtarët e tjerë të UÇK-së që kishin zbritur në qytet. Në bisedimet me eprorët britanikë, u shpjegua se ekzistonte një marrëveshje që nuk lejonte forcë tjetër të armatosur përveç NATO-s. Fillimisht, ushtarët e UÇK-së hezituan të dorëzonin armët e tyre. “Krejt biseda u zhvillua në formë miqësore dhe partneriteti. Ata donin ta zbatonin urdhrin ose marrëveshjen që ishte nënshkruar mes UÇK-së dhe NATO-s. Pas bisedimeve, arritëm marrëveshje që ne të tërhiqemi dhe të vendosim armët në bazën e UÇK-së,” tha Suma. Pas kësaj, filloi bashkëpunimi me ushtarët britanikë dhe 10 ditë më vonë, u nënshkrua marrëveshja për demilitarizimin e UÇK-së, duke hapur rrugën për krijimin e ushtrisë së rregullt të Kosovës.

 

Kontrolloni gjithashtu

Kryetari i Asociacionit të Komunave të Kosovës, Sazan Ibrahimi është cituar të ketë deklaruar se komunat e Kosovës përkundër sfidave nga niveli qendror, kanë arritur të shpenzojnë 75 për qind të mjeteve të destinuara për investime kapitale. Ai ka thënë me këtë rast se viti 2024 do të jetë një ndër vitet me sfiduese për nivelin lokal sa i përket investimeve të reja kapitale, kjo pasi Parlamenti i Kosovës nuk ka marr parasysh fare propozimet e komunave për projekte të reja kur ka votuar buxhetin për vitin 2024, që sipas tij, do të ndikonin në zhvillimin ekonomik lokal. Përkundër sfidave që janë ballafaquar komunat në vitin 2023, sa i përket shpenzimeve në investime kapitale komunat kanë rezultate të jashtëzakonshme dhe nëse i krahasojmë me investimet kapitale të shpenzuara nga niveli qendror diferenca është dyshifrore mes nivelit lokal edhe nivelit qendror. Kjo do të thotë që komunat kanë punuar mirë, gjithashtu planifikimet buxhetore i kanë hartuar me seriozitetin më të madh të mundur por edhe zbatimi i tyre përkundër sfidave që janë shkaktuar nga niveli qendror, do të thotë jo vetëm nga ministrit por edhe nga institucionet e nivelit qendror, komunat kanë arritur që të bëjnë shpenzimet të mjeteve për investime kapitale me përqindje jashtëzakonisht të mirë, ka thënë mes tjerash Sazan Ibrahimi.

Sazan Ibrahimi: Qeveria Kurti më ka shantazhuar e kërcënuar

Drejtori i Asociacionit të Komunave të Kosovës, Sazan Ibrahimi, ka akuzuar hapur qeverinë në detyrë …