Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shkak janë ligji zgjedhor, Kushtetuta dhe, mbi të gjitha, fakti se palët janë betonuar në taborë të kundërt. Nuk ka pajtueshmëri, nuk ka tolerancë, jo pse nuk e duan atdheun, por sepse mungon vullneti për bashkëpunim.
Rezultati i zgjedhjeve nuk e zgjidh problemin. Opozitarët, në një mënyrë, i pranuan zgjedhjet si të lira dhe demokratike, por e kontestuan fitoren, duke folur për manipulime dhe blerje votash.
Ata u vetëkënaqën me rritjen e vogël që arritën dhe me faktin se fituesi pati rënie të mbështetjes. Mirëpo, që në momentin e parë treguan se nuk ka pajtim, nuk ka bashkëpunim dhe as bashkëqeverisje, gjë që nënkupton se nuk do të ketë institucione funksionale.
Fituesi shfaqi kënaqësinë e fitores, u ekzaltua me epërsinë ndaj të tjerëve dhe haptas tha: “Nuk më intereson fare nëse pajtoheni apo jo. Unë jam Qeveria dhe Kryeministri, qoftë në detyrë apo i rregullt. Kam fituar mandatin e katërt. Deshët apo jo, Presidentja është në detyrë. Po deshët e bëjmë Parlamentin, nëse jo, ne vazhdojmë qeverisjen në detyrë. Nesër, në orën tetë, jemi në punë dhe vazhdojmë.”
Sa i përket afrimit me opozitën, nuk shfaqet as dëshira më e vogël për kompromis.
Po për Kosovën dhe këtë popull, kujt po i dhemb koka?
Këtë gjendje e kemi, këtë bylmet, këtë tlynë e kemi gatuar vetë.
Mjerë Kosova, mjerë mileti, çfarë na qenka pushteti!
